ହଜିଲା ଦିନ ସ୍ମତିରୁ ପଦେ

ହଜିଲା ଦିନର ସ୍ମୁତି କବିତାରେ 

ମେଢ ନାଚର ଏ ଗୀତି

କଟକ ପ୍ରସିଦ୍ଧ ଏଇ ମେଢ ନାଚ

ହୁଏନି କେବେ ସେ ଇତି ।

ମନେ ଆଣି ଦିଏ ଅନେକ ସ୍ମୃତି ସେ

ଆଣେ କେତେ ଅନୁଭୂତି 

ରୋଷଣୀରେ ଚଢି ମେଢ ଆସୁଥାଏ

ଝରେ କେତେ ମିଠା ସ୍ମୃତି ।

ଦୁର୍ଗାପୂଜା ହୁଏ ସାଜସଜ୍ଜା ଥାଏ

ଦୁଲୁକି ଉଠଇ ଛାତି

ସବୁ ମେଢ ଯାକ ଏକାଠି ହୁଅନ୍ତି 

ଭୁଲି ହୁଏନି ସେ ସ୍ମୃତି ।

ପୁରୀଘାଟ ଥାନା ଦେବୀଗଡା ଠାରେ 

ଏକତ୍ରିତ ହୋନ୍ତି ରାତି

ଲୋକାରଣ୍ୟ ପରିପୂର୍ଣ୍ଣ ହୋଇ ଥାଏ

ମନରେ ନ ଥାଏ ଭୀତି ।

ମେଢ ନାଚ ସାଥେ ବାଜା ବାଦ୍ୟ ଗୀତେ

କମ୍ପି ଉଠଇ ଧରିତ୍ରୀ 

ମଦ ପିଇ କିଏ କେତେ ନାଚୁ ଥାନ୍ତି

ଉଲ୍ଲାସ ମନରେ ଅତି ।

ମେଢ ପରି ମୁଖା ମୁଖରେ କେ ବାନ୍ଧି

ନାଚରେ ଥାଆନ୍ତି ମାତି 

ଏମିତି ସୁନ୍ଦର ନାଚି ଥାନ୍ତି ସିଏ

ହୃଦୟ ଯାଆନ୍ତି ଜିତି ।

ଏଇ ଦୁର୍ଗା ପୂଜା ଭସାଣି ଉତ୍ସବ

ପରମ୍ପରା ରୀତି ନିତି

ଅତୀତରେ ଥିଲା ଏବେବି ରହିଛି 

ରହିବ ସେ ହେଇ ସ୍ମୃତି  ।

ସେ ଅଲିଭା ସ୍ମୃତି ସାଉଁଟି ଆଣୁଛି

ସାହିତ୍ୟର କଳାକୃତି 

ପ୍ରତି ଲେଖନୀରୁ ନିସୃତ ହେଉଛି

ହଜିଲା ଅତୀତ ସ୍ମୃତି ।