Library
Profile
*ହଜିଲା ଦିନ ସ୍ମତିରୁ ପଦେ* *କବିତା ମାଳା ଶୀର୍ଷକ:
*ହଜିଲା ଦିନ ସ୍ମତିରୁ ପଦେ* *କବିତା ମାଳା ଶୀର୍ଷକ:
*ହଜିଲା ଦିନ ସ୍ମତିରୁ ପଦେ*
*କବିତା ମାଳା ଶୀର୍ଷକ: -*
🌹❤ *ରାମଲୀଳା*❤🌹
*************************
ଲତା ବେହେରା ।
^^^^^^^^^^^^^^^^^^
ହଜିଲା ଦିନର ସ୍ମୁତି କବିତାରେ
ରାମଲୀଳା ନାଚ ଏଇ
ଆଣିଛି ସାଉଁଟି ସାହିତ୍ୟ ସଂସଦ
ସବୁ ହୃଦୟକୁ ଛୁଇଁ ।
ଅତୀତ ଦିନର ସେଇ ରାମଲୀଳା
କେତେ ଖୁସି ଆଣି ଥାଇ
ଗାଆଁ ଗାଆଁମାନେ ଶିଖି ରାମ ଲୀଳା
ମଞ୍ଚସ୍ଥ କରନ୍ତି ସେଇ ।
ରାମାୟଣର ସେ ସୀତା ଚୋରି ଗାଥା
ଆଖଡେ ଶିଖନ୍ତି ସେଇ
ଶିଖି ଗଲା ପରେ ନାଚ ମଣ୍ଡପରେ
ନାଚ ସେ କରନ୍ତି ଯାଇ ।
ରାବଣ ସୀତାଙ୍କୁ ଚୋରି କରି ନେଇ
ଅଟ୍ଟହାସ୍ୟ କରୁ ଥାଇ
ସୀତାଙ୍କ କ୍ରନ୍ଦନେ ହୃଦୟ ଥରଇ
ଜଟା ପଥ ଓଗାଳଇ ।
ଜଟାୟୁକୁ ମାରି ଅଶୋକ ବନରେ
ସୀତାଙ୍କୁ ରଖନ୍ତି ନେଇ
ହରିଣକୁ ମାରି ଜଟାୟୁଠୁ ରାମ
ସୀତାଙ୍କ ବାରତା ପାଇ ।
ସୁଗ୍ରୀବଙ୍କ ସଙ୍ଗେ ମଇତ୍ର ହୋଇଣ
ବାଳିକୁ ମାରନ୍ତି ଯାଇ
ହନୁମାନ ଯାଇ ସୀତାଙ୍କ ବାରତା
ଲଙ୍କାରୁ ଆସନ୍ତି ନେଇ ।
ପବନ ନନ୍ଦନ ବୀର ହନୁମାନ
ଲଙ୍କା ପୋଡି ହସୁଥାଇ
ସେଇ ଦୃଶ୍ୟ ସତେ ଏତେ ଖୁସି ଲାଗେ
ହାତ ତାଳି ମାରୁ ଥାଇ ।
ସାଗରରେ ସେତୁ ବାନ୍ଧିଲେ ରାବଣ
ଆସେ ନିମନ୍ତ୍ରଣ ପାଇ
ସେଇ ସେତୁ ବନ୍ଧ ବିଶ୍ରବା ନନ୍ଦନ
ପ୍ରତିଷ୍ଠାଟି କରି ଥାଇ ।
ବିଭୀଷଣ ଆସି ଶରଣ ପଶିଲା
ମଲା କୁମ୍ଭକର୍ଣ୍ଣ ଭାଇ
ଲକ୍ଷ୍ମଣଙ୍କ ଶକ୍ତି ଭେଦରେ ମାରୁତି
ବିଶଲ୍ୟକରଣୀ ନେଇ ।
ବଞ୍ଚିଲେ ଲକ୍ଷ୍ମଣ ମଲା ମେଘନାଦ
ରାବଣଟି ଏକା ହେଇ
ସମର କରଇ ମହାଘୋର ତର
ମାୟା ଆଚରିଲା ସେଇ ।
ନବରାତ୍ର ପୂଜା କରିଲେ ଶ୍ରୀରାମ
ଶହେ ଆଠ ପଦ୍ମ ଦେଇ
ଏକ ନୀଳ ପଦ୍ମ ନେଇ ଗଲେ ମାଆ
ଶ୍ରୀରାମ ବ୍ୟଥିତ ହେଇ ।
ନୟନ ତାଡନ୍ତେ ରାଜୀବ ଲୋଚନ
ଦୁର୍ଗା ଆବିର୍ଭୂତା ହେଇ
ରାବଣକୁ ମାରି ସୀତାଙ୍କୁ ଉଦ୍ଧାର
ଏଇ ବର ଗଲେ ଦେଇ ।
ବ୍ରାହ୍ମଣ ବେଶରେ ମାରୁତି ଚଳିଲେ
ମନ୍ଦୋଦରୀ ପାଶେ ଯାଇ
ଛଳନା କପଟେ ବ୍ରହ୍ମ ଅସ୍ତ୍ର ଆଣି
ଶ୍ରୀରାମଙ୍କୁ ଦେଲେ ନେଇ ।
ସେଇ ବ୍ରହ୍ମ ଅସ୍ତ୍ରେ ରାବଣକୁ ମାରି
ସୀତାଙ୍କୁ ଆସିଲେ ନେଇ
କେତେ ସୁନ୍ଦର ସେ କରନ୍ତି ମଞ୍ଚସ୍ଥ
ମନ ଜମା ଛାଡେ ନାହିଁ ।
ଏବେବି ମନରେ ସେଇ ରାମଲୀଳା
ଆଖିରେ ଯେ ନାଚୁ ଥାଇ
ପୁଷ୍ପକ ବିମାନେ ରାବଣର ବେଶ
ମନରୁ ନା ଭୁଲି ହେଇ ।
ପୁଅଟି ଯେ ଶାଢୀ ପିନ୍ଧି ସୀତାଙ୍କର
ଅଭିନୟ କରିଥାଇ
ଏବେ ସେଇ ଦୃଶ୍ୟ ହଜିଲା ସ୍ମୃତିଟି
ଯାଉଛି ବିଲୋପ ହେଇ ।
"""""""""""""""""""""""""""""""""""""""
ଲତା ବେହେରା ।
ଜକା, ଢେଙ୍କାନାଳ ।
🌹🌺❤🙏❤🌺🌹✍️
