ଲାଇବ୍ରେରୀ
ପ୍ରୋଫାଇଲ୍
ହେ ଯମ
ହେ ଯମ
1 min
440
ଦିଅନ୍ତି କି କିଛି ମୁହୂର୍ତ୍ତ
ଦୌଡ଼ିଯାଇ ମାଗିଦିଅନ୍ତି କ୍ଷମା
ବିନା ଦୋଷେ ଯାହାଙ୍କୁ ଦେଇଛି କଷ୍ଟ
ଅନ୍ଧ ହୋଇ ନିଜ ସ୍ଵାର୍ଥେ
ଯେତେ ସବୁ ନିରୀହ ଜୀବନର କରିଛି ଅନ୍ତ
ନିଃସର୍ତ୍ତରେ ସ୍ୱହସ୍ତେ କରନ୍ତି ଦାନ
ଦିଅନ୍ତି ଅସଂଖ୍ୟ ଅମୃତ ଉପଦେଶ
କୁହନ୍ତି ହେବେନି କେହିବି ପାପୀ ଆଉ ଲୋଭୀ
ମୋ ପରି
କହିବେନି ମିଛ
କି ଲୁଟିବେନି ନିରୀହଙ୍କ ପେଟର ଦାନା
ଲଢ଼ିବେନି ଆପଣା ପରେ
ଜିଇଁବେନି ସବୁଦିନ
କି ନେବେନି ଯମପୁର କିଛିବି ତାଙ୍କ ହସ୍ତେ
କହିବି ହସିବେ ନିଜେ ଆଉ ହସାଇବେ ସଭିଙ୍କୁ
କହିବେ ମିଠା କଥା
ଜିଣିବେ ମନ, ଜିଣିବେ ହୃଦୟ
ଖୋଜିବେନି କାରଣ ଖୁସି ପାଇଁ
ମରିବେ ଯେବେ
କାନ୍ଦିବ ଜଗତ ତାଙ୍କ ପାଇଁ
ନହେଲେ ଏତିକି କରିବ ମୋ ପାଇଁ ହେ ଯମ ସାଇଁ l
