Library
ହେ ଗୁରୁ ତୁମେ ମଙ୍ଗଳମୟ
ହେ ଗୁରୁ ତୁମେ ମଙ୍ଗଳମୟ
ହେ ଗୁରୁ ତୁମେ ମଙ୍ଗଳମୟ
କରୁଣା ବରୁଣାଳୟ ।
ତୁମ ଶ୍ରୀଚରଣେ ରହୁ ମୋର ଚିତ୍ତ
ଏଇ ମୋର ଅଭିପ୍ରାୟ ।୦।
ଅଜ୍ଞାନ ତିମିରେ ତୁମେ ହିଁ ଆଲୋକ
ଧନ୍ୟ ମୋର ଗୁରୁବର ।
ତୁମକୁ ପାଇ ମୋ ଜୀବନ ଉଜ୍ଜ୍ବଳ
ତୁମେ ମୋହର ଈଶ୍ବର ।୧।
ତୁମେ ଜ୍ଞାନଦାତା ଦଇବ ବିଧାତା
ତୁମେ ମୋ ଜୀବ ଜୀବନ ।
ତୁମ ଶ୍ରୀଚରଣେ ଅରପି ଦେଇଛି
ଏଇ ମୋର ତନୁ ମନ ।୨।
ଶରଣାଗତ ମୁଁ ଶ୍ରୀଚରଣେ ତୁମ
ଆହେ ଅଗତିର ଗତି ।
ତୁମେ ମାତା ପିତା ତୁମେ ବନ୍ଧୁ ଭ୍ରାତା
ତୁମେ ମୋହର ଶକତି ।୩।
ତୁମେ ସଖା ବିଦ୍ୟା ତୁମେ ମୋର ଧନ
ଆହେ ପରାଣ ଈଶ୍ବର ।
ହେ ଗୁରୁ ତୁମେ ମଙ୍ଗଳମୟ
ତୁମେ ମୋ ହୃଦୟେଶ୍ୱର ।୪।
ତୁମେ ଆଦିଦେବ ତୁମେ ଦେବ ଦେବ
ବ୍ରହ୍ମା ବିଷ୍ଣୁ ମହେଶ୍ୱର ।
ତୁମେ ସର୍ବଦେବ ମୋହର ହେ ଦେବ
ତୁମେ କୃପା ଅକୂପାର ।୫।
ମଙ୍ଗଳ ପ୍ରଭାତେ ଶୁଭ ସାୟାହ୍ନରେ
ତୁମ ନାମ ଗାଇ ଗାଇ ।
ଆନନ୍ଦେ ମଗନ ହେଉଥିବି ମୁହିଁ
ତୁମରି ସ୍ୱରୂପ ଧ୍ୟାୟି ।୬।
ତୁମ ଆଲୋକରେ ଆଲୋକିତ ହୋଇ
ଯାଉ ଏ ଜୀବନ ମୋର ।
ହେ ଗୁରୁ ତୁମେ ମଙ୍ଗଳମୟ
ଏତିକି କରୁଣା କର ।୭।
ଜନମ ମରଣ ମୋ ପାଇଁ ସମାନ
ତୁମ ଶ୍ରୀଚରଣେ ରତି ।
ରହୁ ସଦା ମୋର ହେ ମଙ୍ଗଳମୟ
ଘେନିବ ଏ ମୋ ବିନତି ।୮।
