ଗୁରୁ

ପ୍ରଥମେ ମାତା ପିତା ଅଟନ୍ତି ଗୁରୁ

ଦ୍ୱିତୀୟରେ ଶିକ୍ଷାଗୁରୁ

ଜଗତେ ଗୁରୁ ନାମ ରହିଛି ଅମର

ତୃତୀୟରେ ଦୀକ୍ଷାଗୁରୁ ।

ଗୁରୁ ବ୍ରହ୍ମଜ୍ଞାନୀ ଆନନ୍ଦ ପ୍ରଦାତା

ବହନ୍ତି ସେ ଯୋଗକ୍ଷେମ

ତାଙ୍କ ପଦାର ବିନ୍ଦେ କୋଟି ପ୍ରଣାମ

ସଦା କରନ୍ତି କଲ୍ୟାଣ।

ଈଶ୍ୱରଙ୍କ ନିକଟତର କରାନ୍ତି

ଉପଯୁକ୍ତ ଶିକ୍ଷାଦେଇ

ଗୁରୁ ହିଁ ଭବସାଗରର ନାଉରୀ

ତତ୍ତ୍ୱ ଦିଅନ୍ତି ବୁଝାଇ ।

ଗୁରୁ ବିନା ଏ ଜୀବନ ଲାଗେ ଶୂନ୍ୟ

ସନ୍ଦେହ କରନ୍ତି ଦୂର

ଅସ୍ଥିର ମନ ସ୍ଥିର କରାଇବାରେ

ଗୁରୁ ହିଁ ମୁଖ୍ୟ ଆଧାର ।

ଗୁରୁ ତୁମେ ଜଗତର ମୂଳାଧାର

ଅଖଣ୍ଡ ଶକ୍ତି ତୁମର

ଜ୍ଞାନ ଆତ୍ମ ତତ୍ତ୍ୱ ଗୁରୁ ନାମେ ସାର

ଜ୍ଞାନ ଅଞ୍ଜନ ସେମୋର ।

ସତ୍ୟ ଧର୍ମ ପଥେ ନିଅନ୍ତି ଚଲାଇ

ଅହିଂସା ପଥ ଦେଖାନ୍ତି

ଶାନ୍ତି ପ୍ରେମ ଶ୍ରଦ୍ଧା ପ୍ରାଣରେ ତ ଭରି

ଦିବ୍ୟ ତରଙ୍ଗେ ଖେଳାନ୍ତି ।

ଅଜ୍ଞାନ ଅନ୍ଧରାକୁ କରାନ୍ତି ଦୂର

ଜ୍ଞାନ ଆଲୋକ ଦେଖାଇ

ତାହାଙ୍କୁ ଗୁରୁ ପଦ ମିଳିଥାଇ

ଯେଉଁ ବାଣୀ ସତ୍ୟ ଥାଇ ।

ଆଦର୍ଶ ଜୀବନ ଗଠନ କରାନ୍ତି

ସାଧନା ତତ୍ତ୍ୱ ମନ୍ଥନ

ଗୁରୁଙ୍କ ପ୍ରବଚନ ସହିତ ଦର୍ଶନ   

ଶିଷ୍ୟ ଉନ୍ନତ ଜୀବନ ।

ଗୁରୁ କୃପା ଦ୍ଵାରା ଶିଷ୍ୟ ଶୀର୍ଷ ସ୍ଥାନ

ହୁଏ ଉତ୍ତମ ସନ୍ତାନ

ଉତ୍ତମ ଗୁରୁ ଉତ୍ତମ ଉପାସନା

ଶିକ୍ଷା ତାଙ୍କରି ଦାନ ।

ଗୁରୁ ସାନିଧ୍ୟରେ ହୃଦୟ ପ୍ରସନ୍ନ

ମନୁଯାଏ ଡରଭୟ

ସବୁ ଦୁଃଖ ଗୁରୁ ନିଅନ୍ତି ହରାଇ

ତାଙ୍କପାଦେ ମୋରଲୟ ।

ଜୀବନରେ ଗୁରୁ ଏକାନ୍ତ ଜରୁରୀ

ତାଙ୍କପଥ ଅନୁସରି

ନୈତିକ ଚରିତ୍ର ଗଠନ ଶିଖାଇ

ସଂସାରୁ କରାନ୍ତି ପାରି ।       

କର୍ମଫଳକୁ ଗୁରୁ କରନ୍ତି ବହନ

ସର୍ବଦା ପରୀକ୍ଷା କରି

କ୍ଷୀରରୁ ଘିଅ ପରି ଶିଷ୍ୟକୁ ଗଢ଼ାନ୍ତି

ଗୁରୁଙ୍କ ମହିମା ଭାରି ।

ଏକଲବ୍ୟ ଓ ଅର୍ଜ୍ଜୁନ ମହାବୀର

ଗୁରୁକୃପାରେ ଅମର

ଜଗତେ ଗୁରୁ ନାମ ରହିଛି ଅମର

ଗୁରୁ ଦୟାର ସାଗର ।

(ମନ୍ତ୍ର ମୋର ଗୁରୁ ବାକ୍ୟ

ପୂଜା ମୋର ଗୁରୁ ମୂର୍ତ୍ତି

ଧ୍ୟାନ ମୋର ଗୁରୁ ପଦ

ମୋକ୍ଷ ମୋର ଗୁରୁ କୃପା ।