ସଫଳତା

ପ୍ରକୃତି କୋଳରେ ସ୍ରଷ୍ଟାଙ୍କ ନିର୍ଦ୍ଦେଶେ

କର୍ମନୁସାରେ ଜନମ

କୌଣସି କାମରେ ସନ୍ତୋଷତା ଥିଲେ

କାର୍ଯ୍ୟହୁଏ ପରିପୂର୍ଣ୍ଣ ।

ଭୌତିକ ସଂସାରେ ନିଡଟିଏ ଥିଲେ

ଦୁଃଖ ସୁଖ ନଦୀ ଧାର

କର୍ମ ସହ ନାମ ନୌକା ଦୃଢ଼ ଥିଲେ

ସଫଳତା ନାମ ତାର ।

ସୁଚିନ୍ତା ତପାସ୍ୟ ସାଧନା ଫଳରେ

ଜୀବନ ବୃକ୍ଷଟି ହସେ

ନିଶ୍ୱାସ ବିଶ୍ୱାସେ ଶରଧା ରହିଲେ

ଜିତିବା ପାହାଚେ ବସେ।

ସଫଳତା ମିଳେ ଏପରି ମଣିଷ 

ସମାୟାନୁବର୍ତ୍ତି ଥାଏ

ଗୁରୁଜନଙ୍କ ଆଶୀର୍ବାଦ ମିଳିଲେ

କାର୍ଯ୍ୟପୂର୍ଣ୍ଣ ହୋଇଥାଏ ।

ଜୀବନ ମୁଣିରେ ମଧୁର ସମ୍ପର୍କ

ଯଶ କୀର୍ତ୍ତି ଭରି ଦିଏ

କାର୍ଯ୍ୟର ଦକ୍ଷତା ଶୁଦ୍ଧତା ପଣରେ

ସଫଳ ସିଢ଼ି ଚଢାଏ ।

ସଂସାର ଭୁବନେ ଜୀବନ ପାହାଚେ

ଜଞ୍ଜାଳ ଦୁର୍ଦ୍ଦଶା ଅଛି

ସଭିଙ୍କ ମନକୁ ଆନନ୍ଦ ଦେବାରେ

ହାର ଜିତି ଲାଗି ଅଛି ।

ସଫଳ ବିଫଳ ମୁଦ୍ରା ଦୁଇ ପାର୍ଶ୍ୱ

ସଭିଙ୍କ ଭାଗ୍ୟରେ ଆସେ

ମନ ପ୍ରକୃତିକୁ ସଂକଳ୍ପେ ବାନ୍ଧିଲେ

ଜିତିବା ଆସନେ ବସେ।

ଆଶା ନିରାଶାର ମିଶାଣ ଫେଡ଼ାଣ

ମିଛ ସତ ରଙ୍ଗ ମାଖି 

ଜୀବନଟା କଣ୍ଟକିତ ଅଗ୍ନିପଥ

ଅଶାନ୍ତର ବୈଶାଖୀ ।

ବିନା ପରିଶ୍ରମେ ସଫଳତା ନାହିଁ

ମଣିଷ ବା ପଶୁ ହେଉ

ଜୀଇଁବା ଭିତରେ ସଫଳତା ଅଛି

ଭାଵ କର୍ମେ ମହାବାହୁ ।

ସୁଖରେ ଥିଲେତ ଦୁଃଖର ସ୍ୱାଦକୁ

ଜ୍ଞାତ ହେବନି ଜୀବନେ

ଦୁଃଖର ସ୍ୱାଦତ ଶିକ୍ଷା ଦେଇଥାଏ

ଉଦିତ ରବି ଯେସନେ ।

ଜୀବନ ଚର୍ଯ୍ୟା ଶୃଙ୍ଖଳିତ ରହିଲେ

କେବଳ ହିଁ ସଫଳତା

ଧ୍ୟାନ ଜ୍ଞାନ ଯୋଗ ବିଦ୍ୟା ବିତରଣେ

ମଣିଷ ଶ୍ରେଷ୍ଠ ଜୀଵତ ।

ଅଧୁନା ଯୁଗରେ ସମାଜର ସ୍ଥିତି

ବିଜ୍ଞାନ ହାର ମାନୁଛି

ଗର୍ଵ ଅଭିମାନ ରଖ ନାହିଁ ମନେ

ସଫଳରେ କଷ୍ଟ ଅଛି ।