ଲେଖା ପଛର ପ୍ରେରଣା

ଲେଖା ମୋ ବିଦଗ୍ଧ ପ୍ରାଣର ପରଶ

କଳ୍ପନା ଭାବନାର ନବ ହରଷ 

ବିରହ ବେଦନା ତିକ୍ତ ଅଵଶୋଷ

ମରୁ ଉଦ୍ୟାନର ତୃଷ୍ଣା ପୀୟୂଷ ।

ଲେଖା ପଛର ପ୍ରେରଣା ନୀରବତା

ମୋ ଶରୀର ଲେଖାର ଆଦ୍ୟ କବିତା

ଅନ୍ତର ତଳର କୋହର ଅଶ୍ରୁତ

ଜଟିଳରୁ ଜଟିଳ ବଡ଼ ବ୍ୟାଧିତ ।

ସେହି ଅତୀତକୁ ଧନ୍ୟବାଦ ଦିଏ

ସେହି ଦୁଃଖ ଦୁର୍ଦ୍ଦିନକୁ ସ୍ମରୁ ଥାଏ

ବାରଟା ଅପରେସନ ମନେ ପକାଏ

ଏମାନଙ୍କ ପାଇଁ ହେଲି କବିଟିଏ ।

ଲେଖା ପଛରପ୍ରେରଣା ବିବିଧତା

ସ୍ଵାଦହୀନ ବାସ୍ନାଶୂନ୍ୟ ମଳିନତା

ବହୁ ମେଡ଼ିକାଲ ନର୍କ ଯନ୍ତ୍ରଣା ତ

ଅସଲି ନକଲି ଚିହ୍ନିବା ମୁହୂର୍ତ୍ତ ।

ଲେଖା ପଛ ପ୍ରେରଣା ମୋ ଜଗନ୍ନାଥ

ସଂସ୍କାର ସଂସ୍କୃତି ପ୍ରକୃତି ର ଗାଥା

ଦିବ୍ୟ ସୂକ୍ଷ୍ମ ଚେତନାର ଅନୁଭୂତି

ସଂଘର୍ଷ ଜଞ୍ଜାଳ ତୁହା ତୁହା ତାତି ।

ଲେଖା ପଛ ପ୍ରେରଣା ଦୈନିକ ସ୍ମୃତି

ଜୀବନ ତତ୍ତ୍ୱ ସହ ଶାଶ୍ୱତ ଗୀତି

ବିଗତ ଦିନର ପ୍ରତାରଣା କୀର୍ତ୍ତି

ସରଳ ପଣର ଅସମ୍ଭବ କ୍ଷତି ।

ଲେଖାର ପ୍ରେରଣା କିଛି ଉପହାସ

ସର୍ବଦା ପ୍ରଭୁଙ୍କ ଗାଥାର ହରଷ

ଅନୁତାପ ଅନଳେ ଜ୍ୱାଳାର ସ୍ପର୍ଶ

ମାୟା ମୋହ ଓ ପ୍ରବଞ୍ଚନାର କ୍ରୁଶ ।

ଲେଖାର ପ୍ରଥମ ଅମୂଲ୍ୟ ପାହାଚ

ନୈଇସର୍ଗିକ ଚୈଇତନ୍ୟର ପ୍ରଜ୍ଞାନ

ଅସହ୍ୟ ଯାତନା ମଧ୍ୟେ ଜାଗରଣ 

ଅମାଅନ୍ଧାରେ ଶବ୍ଦର ସ୍ପନ୍ଦନ ।

ଲେଖାର ପ୍ରେରଣା ଅଦୃଶ୍ୟ ଆଶିଷ

ଲେଖାର ଆତ୍ମୀୟତା ଶବ୍ଦ ପ୍ରଶଂସା

ଲେଖା ପ୍ରସ୍ପୁଟିତ ଭଗବତ ସ୍ପର୍ଶ

ଲେଖା ମତ ପାଠକଙ୍କ ହସ୍ତ ସ୍ପର୍ଶ ।

ଲେଖାର ପ୍ରେରଣା ଏ ଜୀବନ ତତ୍ତ୍ୱ

ଲେଖାର ପ୍ରେରଣା ସମାଜ ତତ୍ତ୍ୱ

ଲେଖାର ପ୍ରେରଣା ଅଚିହ୍ନାଙ୍କ ମତ

ଲେଖାର ପ୍ରେରଣା ମନଟିର ମତ ।