ଅସୁରକ୍ଷିତ ପରୀ

ପୂଣ୍ୟ ଭାଗ୍ୟ ଧରି ଜନମ ଲଭିଲା

ସରଳ ସୁନ୍ଦର କନ୍ୟା

ହସିଲା ସଂସାର ହସିଲା ଅଗଣା

ଦୁହିତା ଗୁଣେ ଅନନ୍ୟା ।

ନିଷ୍କପଟ ମନ ସରଳ ସ୍ଵଭାଵ

ଭାରି ଅଭିମାନୀ ପରୀ 

ସ୍ୱାଧୀନତା ପଣେ ବୁଲୁଥିଲା ଘରେ

ଗେଲ ବସର ତ ଭାରି ।

ସେହି ପରୀ ଦିନେ କିଶୋରୀ ହୋଇଲା

ଦୁଃଖ ବଢିଲା ଜୀବନେ

ରାଜପଥେ ବା ସଂସାର ସମାଜରେ

ସତେକି ଅଲୋଡ଼ା ଜନ୍ମେ ।

ସମଗ୍ର ସମାଜ ଆଜି ଯେ ବିଷାକ୍ତ

କେଉଁଠି ନାହିଁତ ଶାନ୍ତି

ସୁକନ୍ୟା ପରୀଟି ନାହିଁ ସୁରକ୍ଷିତ

କ୍ଷଣିକ ରେ ଅମାରାତ୍ରୀ ।

ମଣିଷ ପଣିଆ ଆଜି ହଜିଯାଏ

ବିବେକ ହୋଇଛି ଶୂନ୍ୟ

ନିଶାଗ୍ରସ୍ତ ଆଜି ଏ ମଣିଷ ଜାତି

କାମନା ବାସନା ପୂର୍ଣ୍ଣ ।

ନିୟନ୍ତ୍ରଣ ନାହିଁ ନିଜ ମନ ଉପରେ

ଧ୍ୱଂସ ପଥେ ବାଟବଣା

ଦୁହିତାଙ୍କ ସଂଖ୍ୟା ହେଉଅଛି ହ୍ରାସ

ସଭିଙ୍କୁ ହେଲାଣି ଜଣା ।

ପରୀ କାହାପାଇଁ ଆଶାର ଆଲୋକ

ସୃଷ୍ଟି ହସେ ତା ପରଶେ

ଶୋଷଣ କଷଣେ ଦୁଷ୍କର୍ମେ ମାରିଲେ

ଶ୍ରୀହୀନରେ ସୃଷ୍ଟି ଭାସେ ।

ପରୀଟି କନ୍ୟା ଜାୟା ଜନନୀ ରୂପେ

ସଂସାର ମଞ୍ଚର ଶକ୍ତି

ସଂସାରକୁ କରେସ୍ଵର୍ଗେ ପରିଣତ

ସୁରକ୍ଷା ଦେବା ପରୀକି ।

ସମସ୍ତେ ହୋଇବେ ଯଦି ସଚେତନ

ପରୀ ନିର୍ଜନେ ଭ୍ରମିବେ

କେରାଟ ଶିକ୍ଷା ଜ୍ଞାନ କୌଶଳ ଦ୍ୱାରା

ଭୋକିଲାଙ୍କୁ ହିଁ ଛେଚିବେ ।

ଆଇନ ପ୍ରଣୟନ କଠୋର ହେଲେ

ପରୀଭାଗ୍ୟ ଆଲୋକିତ

ବିଶ୍ୱାସ ଶବଦ ହଜିତ ଯାଇଛି

ପ୍ରଶାସନ ବି ନିଦ୍ରିତ ।

ମାନସିକତାରେ ସବୁ ତ୍ରୁଟି ଥାଏ

ଜନ ଜାତି ବିଶୃଙ୍ଖଳିତ ।

ଆଇନ କାନୁନର ଦୁଇଟି ଦ୍ବାର

ଦଣ୍ଡ ଦୋଷୀକୁ କ୍ଷଣିକ

ପରୀଙ୍କ ସମସ୍ୟା ବଢି ବଢି ଚାଲେ

ପ୍ରଭୁଦଣ୍ଡ ଆବଶ୍ୟକ ।