ଗ୍ରୀଷ୍ମରେ ଓଡ଼ିଆ ପର୍ବ
ଗ୍ରୀଷ୍ମରେ ଓଡ଼ିଆ ପର୍ବ
ଭାରି ବଢ଼ିଆ ଓଡ଼ିଆ ଘରେ
ଗ୍ରୀଷ୍ମକାଳୀନ ପର୍ବ,
ବଇଶାଖ ରେ ପଣା ସଂକ୍ରାନ୍ତି
ଲାଗଇ ପଣା ଭୋଗ ।
ଚନ୍ଦନ ଯାତେ ଚାପ ଚନ୍ଦନ
ବଇଶାଖ ପରବ,
ଚାପ ଯାତରେ ହୁଅଇ ଲାଗି
କେଳି ମାଣ୍ଡୁଅ ଭୋଗ ।
ଅଖିତୃତୀୟା ଆସଇ ପୁଣି
ଚାଷୀ ପୁଜଇ କ୍ଷେତ ,
ବିହନ ବୁଣି ମନ ଆନନ୍ଦେ
ପୂଜଇ ଲକ୍ଷ୍ମୀ ମାତ ।
ଆସେ ଜ୍ୟେଷ୍ଠରେ ସ୍ନାହନ ଯାତ
ତା ସାଙ୍ଗେ ରଜ ପର୍ବ,
ଜାତି ଜାତିକା ପିଠା ପଣାର
ମହକେ ମହକିତ ।
ପାଚେ ପଣସ ପାଚଇ ଆମ୍ବ
ଛୁଟାଇ ଦିଏ ବାସ୍ ,
ସୁସ୍ଵାଦୁ କେତେ କୋଳିର ସାଙ୍ଗେ
ଆସଇ ତାଳ ସଜ ।
ଗୀରିଷମ ରେ ଓଡ଼ିଆ ଘରେ
ଏତେ ସବୁ ପରବ,
ଏଇଥି ପାଇଁ ଓଡ଼ିଆ ବୋଲି
କରଇ ମୁଁ ଯେ ଗର୍ବ ।