ଗୋପୀଙ୍କ ଶୋକ -୩

ଗୋରୁ ହୁଏ ପୁଣି କିଏ ଗୋବତ୍ସା

      ସାଜେ କିଏ ଗୋପାଳ ବାଳ,

ଗୋବର୍ଦ୍ଧନ ଲୀଳା ପୁଣି କରନ୍ତି

    କୃଷ୍ଣ ପ୍ରେମରେ ଗୋପୀ ମାତାଲ ।

କୃଷ୍ଣ ପ୍ରେମେ ଅନ୍ଧ. . .

ହେଲେ ବ୍ରଜର କାମିନୀ ... |

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ | l ୧୦।।

କାଳୀ ଦଳନ ଲୀଳା କେ କରଇ

   କାଳୀୟ ନାଗ କେହୁ ସାଜେ,

କିଏ ଚଢ଼ିଯାଏ ମଥା ଉପରକୁ

   କାଳୀୟ ନାଗର ଗର୍ବ ଗଞ୍ଜେ ।

କୃଷ୍ଣଙ୍କର ଲୀଳା . . . .

ଯେତେ ସବୁ ଗୁଣଗୁଣି..।

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୧୧।।

ସଖି ଜଣେ କହେ ନିଆଁ ଲାଗିଛି

    ସଭିଏଁ ଆଖି ବୁଜି ଦିଅ,

ଅନାୟାସେ ମୁହିଁ ରକ୍ଷା କରିବି

   ମନରେ କାହିଁ ବ୍ୟସ୍ତ ହୁଅ ।

ପୁଣି ଅନ୍ୟଲୀଳା...

କଲେ ଗୋପର କାମିନୀ . . . I

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୧୨।।

ସର୍ବ ଗୋପୀ ହେଲେ ଶ୍ରୀକୃଷ୍ଣମୟ

   ଗୃହ କଥା କିଏ ପଚାରେ,

ସାରି ସର୍ବଲୀଳା ଯମୁନା ଫେରି

  କ୍ରନ୍ଦନ କରନ୍ତି ଏକ ସ୍ଵରେ ।

କାହିଁ ଗଲ ଶ୍ୟାମ . . .

ଦେଖା ଦିଅ ବେଣୁପାଣି. . . I

ପ୍ରେମ କାହାଣୀ କାହ୍ନୁର ପ୍ରେମ କାହାଣୀ ।।୧୩।।