ଗୋପବନ୍ଧୁ

ଓଡିଶା ପ୍ରଦେଶ ସୁଯୋଗ୍ୟ ସନ୍ତାନ

ସେବା ପାଇଁ ତୁମ ଉତ୍ସର୍ଗ ଜୀବନ 

ଯନ୍ତ୍ରଣା କଷଣ ଦେଖି ଦୁଃଖୀ ଜନ

ଦରଦୀ ହୃଦୟେ କାନ୍ଦୁଥିଲା ପ୍ରାଣ l

ଦେଶ ସେବା କରି ଜୀବନ ସାରିଲ

ସ୍ୱାଧୀନ ସଂଗ୍ରାମେ ବ୍ରତୀ ହୋଇଥିଲ

କାରାଗାରେ କେତେ ସମୟ କାଟିଲ

ଚିନ୍ତା ଚେତନାରେ ଦେଶ ଭକ୍ତ ଥିଲ l

ଅବକାଶ ଚିନ୍ତା, ଓ କାରାକବିତା

ବନ୍ଦୀ ଆତ୍ମକଥା ଲେଖା ନଚିକେତା  

ଥିଲ ପ୍ରାବନ୍ଧିକ, କବି ଓ ଲେଖକ

ସମାଜ ଖବର ର ଯେ ସମ୍ପାଦକ l

ମାତା ସ୍ଵର୍ଣ୍ଣମୟୀ ପିତାଯେ ଦୈତାରୀ

ସୁଆଣ୍ଡୋ ଗ୍ରାମରେ ଜନମ ତୁମରି 

ପଞ୍ଚସଖା ମେଳେ ସୁକର୍ମ ପ୍ରସାରି

ସ୍ମୃତି ଛାଡିଗଲ ହୃଦୟେ ସବୁରୀ l

ସମ୍ବୋଧେ ଉତ୍କଳମଣି ଆଖ୍ୟା ମିଳେ 

ଆଚାର୍ଯ୍ୟ ପ୍ରଫୁଲ୍ଲ ଚନ୍ଦ୍ର ରାୟ ଦେଲେ

ସଂସ୍କାର ସେବକ ଥିଲ ଦେଶଭକ୍ତ

ଅମ୍ଲାନ ତୁମର ଅମର ବ୍ୟକ୍ତିତ୍ୱ l

ବନ୍ୟା ଓ ଦୁର୍ଭିକ୍ଷ ପରା ସହଚର

ପ୍ରତିବର୍ଷ ହୁଏ ଦୁଃଖ ଓଡ଼ିଶାର

ଛାଡି ଘରଦ୍ୱାର ସହାୟତା କର

ଅଜଣାକୁ ଭାବ ବନ୍ଧୁ ଆପଣାର l

ଓଡିଶା ସାହିତ୍ୟେ ରହିଛି ଅମର

ତୁମ ହାତ ଲେଖା ଅତୀବ ସୁନ୍ଦର

"ମିଶୁ ମୋର ଦେହ ଏଦେଶ ମାଟିରେ

ଦେଶ ବାସୀ ଚାଲି ଯାଆନ୍ତୁ ପିଠିରେ

ଦେଶର ସ୍ୱରାଜ୍ୟେ ପଥେ ଯେତେ ଗାଡ଼

ପୁରୁ ତହିଁ ପଡି ମୋର ମାଂସ ହାଡ଼ ।