Library
Profile
ଗୋପ ଗୌରାଙ୍ଗ
ଗୋପ ଗୌରାଙ୍ଗ
ଗିରି ଗୋବର୍ଦ୍ଧନ ଟେକା ଗୌରାଙ୍ଗ
ଗହନ କାନ୍ତ କମନୀୟ ଅଙ୍ଗ
ଗଳେ ତୋ ପିନ୍ଧାଇ ଦିଅନ୍ତି ବାଗେ
ଗୁନ୍ଥି ମଲ୍ଲୀ ମାଳ ଅତି ସରାଗେ
ଗୋପ ଗୌରାଙ୍ଗ
ଗଲେ ଯାଉ ଜୀବ ଥାଉ ତୋ ସଙ୍ଗ ।
ଗୋପ ଦୁଆରେ ମୁଁ ହୁଅନ୍ତି ଯୋଗୀ
ଗୁହାରି କରନ୍ତି କରୁଣା ଲାଗି
ଗୋପଦାଣ୍ଡ ଧୂଳି ତୋ ପାଦ ଲଗା
ଗୋଳି ଅଙ୍ଗେ ବୋଳି ନାଚନ୍ତି ନାଗା
ଗୋପ ଗୌରାଙ୍ଗ
ଗଲେ ଯାଉ ଜୀବ ଥାଉ ତୋ ସଙ୍ଗ ।
ଗରିବ ପଣେ ମୁଁ ଜଣେ ଅଭାଗା
ଗଣା ନୁହେଁ କେଉଁ ଗୁଣେ ରେ ଜଗା
ଗାଉଥିବି ଗୀତ ଗୋବିନ୍ଦ ରାଗ
ଗୋବିନ୍ଦେ ଆନନ୍ଦ ନାମେ ସରାଗ
ଗୋପ ଗୌରାଙ୍ଗ
ଗଲେ ଯାଉ ଜୀବ ଥାଉ ତୋ ସଙ୍ଗ ।
ଗଚ୍ଛିତ ସମ୍ପଦ ସରିବା ଆଗୁଁ
ଗୁନ୍ଥା ମାଳତୀ ମଉଳିବା ଆଗୁଁ
ଗଳା ମାଳ ବାସି ତୁଳସୀ ଲଗା
ଗଳେ ମୋ ଲଗେଇ ଦେବୁ କି ଜଗା ରେ
ଗୋପ ଗୌରାଙ୍ଗ
ଗଲେ ଯାଉ ଜୀବ ଥାଉ ତୋ ସଙ୍ଗ ।
ଗଛରୁ ପତର ହେଲେ ଅଲଗା
ଗୁଜୁରେ କି କଳି କୋମଳ ଚଙ୍ଗା
ଗଲା ବେଳ ଅଙ୍ଗ ଶୁଖିଲା ଡାଙ୍ଗ
ଗୋଟେଇ ନେବୁ କି କରି ସରାଗ
ଗୋପ ଗୌରାଙ୍ଗ
ଗଲେ ଯାଉ ଜୀବ ଥାଉ ତୋ ସଙ୍ଗ ।
ଗୀତରେ ଗ କୁ ରଖିଛି ଆଗ
ଗୁନ୍ଥିଛି ଯତନେ ଶେଷକୁ ଗ
ଗୁଣୀ ଜନେ ଖୁଣ କରି ଅଲଗା
ଗଣିଲେ ଗୀତକୁ ହେବ ସୌଭାଗ୍ୟ
ଗୁହାରି ମାଗେ
ଗୁଣେ ବାମନ ଅସରା ସରାଗେ ।
