ଗୋଲାପ ଫୁଲ ତୁ କି ରଙ୍ଗ ବୋଳୁଲୋ ସତେ

ଗୋଲାପ ତୁ ଅଟୁ ବିଶେଷ ପ୍ରକାର ଫୁଲ

ବନ୍ଧୁତା ଗଢୁ ତୁ ସେମିତି ଅମୂଲ ମୂଲ ||

ପରକୁ ଆପଣା ନିମିଷକେ କରିବାର 

ପାଷାଣ ହୃଦକୁ ତରଳାଇ କରୁ ନୀର ||

ଏମିତି ଶକତି ତୋ ଠାରେ ଭରିଛି ବିହି 

ଦେଖି ଦେଲେ ତୋତେ ଆନନ୍ଦ ହୁଏନି କହି ||

ଅଜାଣତେ ତୁହି ରଙ୍ଗ ବୋଳିଦେଇ ମନେ 

ଫଗୁ ଖେଳୁ ଶୟନେ ସପନେ ଜାଗରଣେ ||

କେବେ କବେ ପୁଣି ଫୋଡି ଦେଉ ହୃଦେ କଣ୍ଟା 

ଦୁଃଖର ପାହାଡ ହୋଇ ଭାଙ୍ଗି ଦେଉ ତୁହି ଅଣ୍ଟା||

ସାରା ଦୁନିଆଟା ପର ପରି ଲାଗେ ସେବେ 

ପାଦ ତଳୁ ଭୂମି ଅଦୃଶ୍ୟ ଲାଗଇ ତେବେ ||

ଫାଶିର ଦଉଡି ଅତଳ ନଦୀର ଜଳ 

ନିଜ ପରି ଲାଗେ ମନ କରି ଟଳ ମଳ ||

ଗୋଲାପ ଫୁଲ ତୁ କି ରଙ୍ଗ ବୋଳୁ ଲୋ ସତେ 

ହସାଇ ରସାଇ ସୁଖ ଭରିଦେଉ ଏତେ !