Library
Profile
ଗୋଲାମ୍
ଗୋଲାମ୍
ନିଜ ଇଚ୍ଛାକୁ ଦେଇ ଜଳାଞ୍ଜଳି
କଣ୍ଢେଇ ପରି ନାଚେ
ନଥାଏ ତାର ସ୍ଵତନ୍ତ୍ରତା
ଅବା ସ୍ଵାଧୀନତା
କିଛି କରିବାର ସାମର୍ଥ୍ୟତାରେ
ତାକୁ ପରିଚାଳିତ
ନିୟନ୍ତ୍ରିତ କରେ ଅନ୍ୟ କେହି
ରିମୋଟ୍ ଧରି ହାତରେ
ଆଶା କି ଭାଷା ତାର
ରହିଥାଏ ହୃଦୟରେ ବନ୍ଦୀ
ପରିବେଶ ପରିସ୍ଥିତି ଥାଏ ଛନ୍ଦି
ଅନ୍ୟର ଇଙ୍ଗିତରେ ଜୀବନ ତମାମ
ବିନା ଆପତ୍ତିରେ ପାଳେ ହୁକୁମ
ସେ ଗୋଲାମ
ସୁଖ ଆସୁ ଦୁଃଖ ଆସୁ
ଯାହା ବି ସମସ୍ୟା ଆସୁ ତା ପାଶେ
ସହିବାକୁ ହୁଏ ବାଧ୍ୟ
ମାଲିକର ସେ ପାଳିତ ପଶୁ ପରି
ବନ୍ଧା ଥାଏ ପଘାରେ
ସମୟକୁ ଅପେକ୍ଷା କରିଥାଏ
ଭୋକ ଶୋଷରେ
ଖାଇବି ପାରେନା ଜିଇଁବାକୁ
ନିଜ ସୁବିଧା ଅନୁସାରେ
ପ୍ରତି କଥାରେ ମୁନିବର ମନ ରଖି
କରୁଥାଏ ଶହେ ସଲାମ
ସେ ଗୋଲାମ
ଯେତେ ତାର ବୁଦ୍ଧି ବିବେକ ଥାଉ
ଶାରୀରିକ ବଳ କୌଶଳ
ହୋଇଥାଏ ଅଚଳ ନିଶ୍ଚଳ
ମନ ବୋଲି ତାର କିଛି ନଥାଏ
ପରାଧୀନ ହୋଇ ରହେ
ମନେ ମନେ ମନ ବିଦ୍ରୋହ
କରି ଉଠେ ସହସ୍ରବାର
ପାଏ କିନ୍ତୁ ଆଘାତ ପରେ ଆଘାତ
କ୍ଷତ ବିକ୍ଷତ ହୋଇ ହୁଏ ଲହୁଲୁହାଣ
ନିଜେ ନିଜର ସେ ଯନ୍ତ୍ରଣା ଜର୍ଜରିତ
ଜୀବନ୍ତ ଘାଆରେ ଲଗାଏ
ସାନ୍ତ୍ଵନାର ମଲମ
କାହିଁକି ନା ସେ ଗୋଲାମ।
