ଘରେ କନିଆଁ ମାଲିକେନ୍

ଯେନ୍ ଦିନୁ ମୁଇଁ ବିହା ହେଇଛେ

ଜୀବନ୍ ହେଲା ମୋର୍ ଗୁଲ୍'ଗୁଲା

କହେଲେ ମଲି ,ସହେଲେ ମଲି

ଏନ୍ତା ହେଇଛେ ଘରେ ଝମେଲା ।

ଘରେ କନିଆଁ ମାଲିକେନ୍ ସାଜିଛେ

ମୋର୍ ଉପୁରେ ଚଲାସି ହୁକୁମ୍

ନିଜେ ସବୁ ହିସାବ୍, ରଖ୍'ଲା

ମତେ ବନେଇଦେଲାନ ଧୁତୁମ୍ ।

କିଛି କହିଁ ନାଇଁ ପାରେ କଥାପଦେ

ରାଗ୍ ରିସ୍'ମି ହେଇ ତାହାକେ

ଟାନେ କଥା ପଦେ କହିଦେଲେ 

ପଲାମି କହେସି ମାଁ ଘର'କେ ।

ହେ କଥାକ ସୋର୍ କରିଦେଲେ

ମୁଡ୍ ବାଏଁ,ବାଏଁ ହେଇ ଯାଏସି

ଘରେ ଯେ ମୋର୍ ଛୁଆ ଗୁହୁଡେ

ତାହାକୁ କିଏ ସମ୍'ଲାଭା ଭାବ୍'ସି ।

ତେହେରୁ ନିଜେ ହାର୍ ମାନି ଯାଏସି

ମାଏଝି'କେ ମାଲିକେନ୍ କହେସି

 ବିହାହେଲେ କେତେ ଗୁଲ୍'ଗୁଲା

ହେ କଥାକେ ରାଏତ୍ ସାରା ଭାବୁଥିସି ।