Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Mr.Siddheswar Behera

Inspirational Children


4.5  

Mr.Siddheswar Behera

Inspirational Children


ଘର ମୋର ସ୍ବର୍ଗ

ଘର ମୋର ସ୍ବର୍ଗ

1 min 29 1 min 29

ନିଜ ଘର ମୋତେ ଲାଗଇ ସୁନ୍ଦର 

ସରଗର ସ୍ବର୍ଗପୂରୀ ।

ରୁହନ୍ତି ଏଇଠି ସଭିଏଁ ଏକାଠି 

ସ୍ନେହ ମମତା ଆଦରି ।।


ନିଜ ଘରୁ ଶିକ୍ଷା ସଂସ୍କାର ପାଇଛି 

ପାଇଛି ଭଲପାଇବା ।

ମା ବାପାଙ୍କ ଠାରୁ ଚାଲିବା ଶିଖିଛି 

ଶିଖିଛି ମୁଁ ସତ କହିବା ।।


ବଡ ସୁଆଦିଆ ମା ହାତ ରନ୍ଧା 

ହେଉ ପଛେ ଶାଗ ପଖାଳ ।

ମା କୋଳରେ ଟିକେ ମୁଣ୍ଡ ରଖିଦେଲେ 

ନିଦ ଆସିଯାଏ ଚଞ୍ଚଳ ।।


ସଦା ଦିଏ ବଡ କଥାକୁ ଗୁରୁତ୍ବ 

ମାନଇ ତାଙ୍କ ଉପଦେଶ ।

ତାଙ୍କ ଆଶୀର୍ବାଦ ଆମ ଉପରେ ରହିଲେ

ଆସେ ନାହିଁ କିଛି ବିପଦ ।।


କରେ ନାହିଁ କଳି ନିଜ ମଧ୍ୟେ କେବେ 

ମିଳିମିଶି କାମ କରଇ ।

ଯଦି କେଉଁ କାର୍ଯ୍ୟ କରିବାକୁ ଅଛି 

ବଡ କଥାକୁ ପ୍ରାଧାନ୍ୟ ଦିଅଇ ।।


ବିପଦ ଆପଦେ ଭାଙ୍ଗି ନଯାଇ 

ଶିଖିଛି ଏକାଠି ରହିବା ।

ପରିବାର ମଧ୍ୟେ ଭଲବୁଝାମଣା ଥିଲେ 

ତାକୁହିଁ ଘର କହିବା ।।


ଘର ଦରବଟି ଲାଗେ ଆପଣାର 

ହେଉ ପଛେ ଭଙ୍ଗା ଦଦରା ।

ବହୁ ସ୍ମୃତିର ମୁକସାକ୍ଷୀ ସେହି ଥିଲେ 

ଲାଗେ ନିଜର କେହି ଅଛନ୍ତି ପରା ।।



Rate this content
Log in

More oriya poem from Mr.Siddheswar Behera

Similar oriya poem from Inspirational