ଘାଇ ର ମୁଣ୍ଡରେ

ମହାପ୍ରଳୟର ସଙ୍କେତ ଆଜି

ଛାଇ ଦେଇଛି ସାରା ବିଶ୍ଵକୁ 

ଆଖି ପାଉ ନଥିବା ମହାସାଗର ଆଜି

ନିସ୍ତବ୍ଧ ନୀରବ ହୋଇ ଦେଖୁଛି

ଭୟଙ୍କର ଝଡର କୋପ

ଘାଇ ର ମୁଣ୍ଡରେ ବନ୍ଧା ପଡ଼ିଛି

ମଣିଷ ଜୀବନ, ହିଂସା ଦ୍ୱେଷ

ର ମନୋଭାବ ରେ ହିଁ ମଣିଷ ଆଜି

ହାରିବାକୁ ଯାଉଛି ନିୟତି ପାଖରେ।

ମୁଁ ବଡ ର ମନୋଭାବ ଆଜି

ପାଚେରୀ ହୋଇ ଛିଡା ହୋଇଛି

ଘାଇର ମୁଣ୍ଡରେ ଯେମିତି ବଜ୍ର ସମାନ

ହୋଇ ସଭିଙ୍କ ଆଢ଼ୁଆଳରେ ଥିବା

ସ୍ବାର୍ଥନ୍ୱଏଷୀ ଚିନ୍ତାଧାରାରେ,

ଦିନକୁ ଦିନ ବିଗିଡି ଯାଉଛି

ବିଶ୍ଵର ମାନଚିତ୍ର, ଘାଇ ର ମୁଣ୍ଡରେ

ଛିଣ୍ଡା ହୋଇ ମଣିଷ ଟିଏ ବଞ୍ଚିବାକୁ

ପ୍ରୟାସ ଜାରି ରଖିଛି

ଜୀବନର କଷୋଟି ପଥରେ

ପ୍ରତି ମୁହୂର୍ତ୍ତରେ ଶୂନ୍ ସାନ୍ ଗତିପଥରେ

ଖରା ଛାଇ ଖେଳ ଭିତରେ।