Library
ଗୌରବ
ଗୌରବ
ଆମ ଓଡିଶାର ଗର୍ବ ଓ ଗୌରବ
ପୁରୀ ଆଉ କୋଣାରକ
ଦେଶ ବିଦେଶକୁ ଧାଇଁ ଯେ ଆସନ୍ତି
କେତେ କେତେ ପର୍ଯ୍ୟାଟ୍ଟକ ।
ବାରଶହ ବଢେଇ ଜୀବନର ପାଇଁ
ବାର ବର୍ଷ ଧର୍ମପଦ
ଆତ୍ମାହୂତି ଦେଲେ ଚନ୍ଦ୍ରଭାଗା ତୀରେ
ରଖି ଓଡିଆଙ୍କ ଟେକ ।
ଢେଙ୍କାନାଳ ଜିଲ୍ଲାର ବାଜି ରାଉତ
ପାତି ଦେଲେ ଛାତି ନ ନଇଁଣ ମାଥ
ରଖିଲେ ମାଆର ଟେକ
ଆମ ଓଡିଶାର ଗର୍ବ ଓ ଗୌରବ
ପୁରୀ ଆଉ କୋଣାରକ ।
ଏଇ କଳିଙ୍ଗରେ ଦୟାନଦୀ ତୀରେ
ହୋଇଲା କଳିଙ୍ଗ ଯୁଦ୍ଧ
ରକ୍ତ ନଦୀ ଏଠି ବୁହାଇ ଯେ ଦେଲେ
ମୌର୍ଯ୍ୟ ସମ୍ରାଟ ଆଶୋକ ।
ଓଡିଶା ଗୌରବ ରଖିଥିଲେ ଏଠି
ବୀରା ନାରୀ କାରୁବାକୀ
ତାଙ୍କ ପାଦ ତଳେ ସମ୍ରାଟ ଅଶୋକ
ମଥା ଆପେ ଦେଲେ ପାତି ।
ନିର୍ମିତ କରିଲେ ସେ ଗୌତମ ବୁଦ୍ଧ
ଧଉଳି ଗିରିରେ ସିଏ ଅବସ୍ଥିତ
ହେଲେ ସିଏ ଧର୍ମାଶୋକ
ଆମ ଓଡିଶାର ଗର୍ବ ଓ ଗୌରବ
ପୁରୀ ଆଊ କୋଣାରକ ।
ବାରବାଟୀ ଦୁର୍ଗ ଅବସ୍ଥିତ ତ ଏଠି
ଖଣ୍ଡଗିରିରେ ଯେ ଗୁମ୍ଫା
ମନ୍ଦିର ମାଳିନୀ ଭୁବନେଶ୍ବର ତ
ବଢାଉଛି ତାର ଶୋଭା ।
ପାଇକ ବିଦ୍ରୋହ ହେଇଥିଲା ଏଠି
ଫାଶୀ ପାଇଥିଲେ କେତେ
ମେଦିନୀ ପୁରର ବାଘତୋଟା ନାଳେ
ଜୟୀ ରାଜଗୁରୁ ସତେ ।
ଅଟ୍ରି ଉସ୍ରବଣ ସାଗର ଲହରୀ
ଦାରିଙ୍ଗବାଡି ତ ଓଡିଶା କାଶ୍ମିରୀ
ବନ୍ଦର ଯେ ପାରାଦ୍ବୀପ
ଆମ ଓଡିଶାର ଗର୍ବ ଓ ଗୌରବ
ପୁରୀ ଆଉ କୋଣାରକ ।
ପାହାଡ଼ ପର୍ବତ ପ୍ରାକୃତିକ ଦୃଶ୍ୟେ
ସୌନ୍ଦର୍ଯ୍ଯ ଆମ ଓଡିଶା
ସବୁଠୁ ସୁନ୍ଦର ଗୌରବନିତ୍ୱ
ଏଇ ଆମ ମାତୃଭାଷା ।
ଭିତରକନିକା ଅଭୟାରଣ୍ୟ ଯେ
ବଉଳା କୁମ୍ଭୀର ପାଇଁ
ଚନ୍ଦକା ଅରଣ୍ୟ ହାତୀ ସଂରକ୍ଷଣ
ପବିତ୍ର ଓଡିଶା ଭୂଇଁ ।
ତା ପାଣି ପବନେ ଗଢା ମୋ ଶରୀର
ତା କୋଳେ ଜନମୀ ଜୀବନ ମୋ ଧନ୍ୟ
ତା ପାଦରେ ପ୍ରଣିପାତ
ଆମ ଓଡିଶାର ଗର୍ବ ଓ ଗୌରବ
ପୁରୀ ଆଉ କୋଣାରକ ।
