ଗାଁ ର ମହକ

ଜଣାନାହିଁ ଗାଁ ସହିତ ମୋର କି ଭାବ ଅଛି

ଜମି-ବାଡ଼ି,ଗାଇ-ଗୋରୁ,ଛେଳି-କୁକୁଡ଼ା

ଯୋଉଠି ଦେଖେ, ମୋ ଗାଆଁ କଥା

ସେତେବେଳେ ବହୁତ ମନେପଡ଼େ 

ଜମିର ହିଡ଼ ବାଟ କେତେଯେ ଅଙ୍କାବଙ୍କା 

ତଥାପି ସେଇଠି ଚାଲିବାର ମଜା 

ସବୁଠୁ ନିଆରା ଲାଗେ ।

ମାନୁଛି ମୋ ଗାଆଁ ଏତେ ବିକାଶ ନୁହେଁ 

ତ କ'ଣ ହେଲା

ସେଠିର ସାପ୍ତାହିକ ହାଟ, ନଇ ତୁଠ

ଆଉ ଗାଁ ମୁଣ୍ଡିଆ ଗୋରୁ ଗୋଠକୁ

ସହରର ଟ୍ରାଫିକ୍ ଗହଳି ଭିତରେ  

ବେଳେବେଳେ ମନେପଡ଼େ । 

ଗୋଧୂଳି ବେଳାର ସନ୍ଧ୍ୟା ଆଳତି

ଖଞ୍ଜଣି ସହିତ ମୃଦଙ୍ଗ ର ତାଳ

ଚାନ୍ଦିନି ରାତିରେ ବହୁଚୋରି ଖେଳ

ନିରୋଳାରେ ବସିଲେ ସ୍ବପ୍ନ ପରି ଲାଗେ 

ଏଇ ବିରିୟାନୀ ଖାଇଲା ବେଳେ 

ମୋତେ ସେଠିର ବାସି ପଖାଳ

ବହୁତ ମନେପଡେ ।

ଗରମରେ ହାଲିଆ ହୋଇ 

କୁଲର -ଏ.ସି ଲଗେଇ ନିଦ ନ ପଡ଼ିଲେ

ଖରାଦିନ ଦିପହରିଆ ଆମ୍ବ ଗଛମୂଳେ 

ପଟାଭାଡ଼ିରେ ଲୁଡୁ଼ପଟିର ମଜା କଣ କହିବି,

ରାତିରେ ଖଳାରେ ଖଟ ପକେଇ

ତାରା ଗଣିଗଣି ତ କେବେ

ଜୁଳୁଜୁଳୁଆ ପୋକର ଦପ୍ ଦପ୍ ଆଲୁଅରେ 

ରଙ୍ଗିନ ସ୍ବପ୍ନର ସମ୍ଭାର ସଜେଇବା.. ମନେପଡ଼େ ।