ଏଇ ଆମ ଦେଶରେ
ଏଇ ଆମ ଦେଶରେ
ଘରେ ଘରେ ହିଂସା ନିଆଁ
ଉଠେ କାହିଁ ଧୂଆଁ ରେ
ଏଇ ଆମ ଦେଶରେ ।
ଅହିଂସା ର ପ୍ରଶ୍ନ ନାହିଁ
ସେବା ଦେଖାଣିଆରେ
ଏଇ ଆମ ଦେଶରେ ।
ଝିଅ ନାହିଁ ସୁରକ୍ଷିତ
ହୁଏ ନିର୍ଯାତିତା ରେ
ଏଇ ଆମ ଦେଶରେ ।
ରାଜିନୀତି ଚାଲେ ଏଠି
ଗରିବଙ୍କ ଟଙ୍କାରେ
ଏଇ ଆମ ଦେଶରେ ।
ତେଲିଆ ମୁଣ୍ଡରେ ତେଲ
ନେତା ଏଠି ରାଜା ରେ
ଏଇ ଆମ ଦେଶରେ ।
ଦିନ ମଜୁରିଆ ପାଇଁ
ସବୁ କଟକଣା ରେ
ଏଇ ଆମ ଦେଶରେ ।
ମଦୁଆ ହୋଇଛି ରାଷ୍ଟ୍ର
ଶୁଳ୍କ ଖାଇ ଖାଇ ରେ
ଏଇ ଆମ ଦେଶରେ ।
ହତ୍ୟା ହୁଏ ରାଜରାସ୍ତେ
ଦିନ ଦୁଇପହରେ
ଏଇ ଆମ ଦେଶରେ ।
ଦୋଷୀ ଖସି ଯାଏଁ ଏଠି
ନ୍ୟାୟ ନାହିଁ ଏଠିରେ
ଏଇ ଆମ ଦେଶରେ ।
ବଲାତ୍କାରୀ ନିଶ ମୋଡି
ଚାଲେ ବାଟ ଘାଟରେ
ଏଇ ଆମ ଦେଶରେ ।
ଫାଶୀ ପାଇଁ ଯୁଗ ଲାଗେ
ଦୋଷୀ ଆଖି ମାରେ ରେ
ଏଇ ଆମ ଦେଶରେ ।
ପ୍ରଶାସନ ଅନ୍ଧ ଏଠି
ଚୋର ସବୁ ମନ୍ତ୍ରୀ ରେ
ଏଇ ଆମ ଦେଶରେ ।
ପଢନ୍ତୁ ଝିଅ,ବଢନ୍ତୁ ଝିଅ
ନାରା ଶୁଭେ ଜୋର ରେ
ଏଇ ଆମ ଦେଶରେ ।
ମୋଦୀ ବାବୁ କାଲା ଏଠି
କିଛି ଶୁଭେ ନାହିଁ ରେ
ଏଇ ଆମ ଦେଶରେ ।
ବିଦେଶ ରେ ବଡ କଥା
ଭାଷଣ ର ଢେର ରେ
ଏଇ ଆମ ଦେଶରେ ।
ଭାରତ କୁ ନୂଆ କରି
ଗଢିବେ ଏ ମନ୍ତ୍ରୀ ରେ
ଏଇ ଆମ ଦେଶରେ ।
ନିଜ ଘର ସମ୍ପତି କୁ
ଯାଇ ବିକ ବାହାରେ
ବାଃ ବାଃ ନୀତିରେ
ଏଇ ଆମ ଦେଶରେ ।
ସ୍ୱାଧୀନ ସ୍ୱାଧୀନ ବୋଲି
କରୁ ରଣ ହୁଙ୍କାରେ
ଏଇ ଆମ ଦେଶରେ ।
ଘର କଥା ଆଗ ବୁଝ
ବିଦେଶ କଥା ପଛରେ
ଅନୁରୋଧ ଏହିରେ ।