ଏବେ ଯା' କରିବୁ କିସ

ରହ ବେଣିଟାକୁ ବାନ୍ଧିଦିଏ ତୋର

ତା'ପରେ ତୋଳିବୁ ଫୁଲ,

ସୁପ୍ରଭା ନେଉଛି ପଚାରିକି କିଛି

ପୂଜା ପାଇଁ ଭାରି ଭଲ ।

ସୁକନ୍ୟା ଖେଳୁଛି ଛେଳି ଛୁଆ ସଙ୍ଗେ

ବୁଢୀମା ବାଛନ୍ତି ଶାଗ,

ସବିତା, ସରିତା ଜଳକୁମ୍ଭ ଘେନି

ଚାଲୁଛନ୍ତି ଡଗଡଗ ।

ସିଆଡେ ମୁଁ ଭାତ ବସେଇ ଦେଇଛି

ଫୁଟି ବାସିଲାଣି ପରା,

ଗଲେ ଡାଲିଟାରେ ଛୁଙ୍କ ଦେବି ଆଗେ

ଖାଇ ପଢ଼ିଯିବ ତାରା ।

ଉପର ଓଳିକି ଆଉ ଗୋଟା କେତେ

ଫୁଲଗଛ ଦେବା ପୋତି,

ପାଣି ଦେଇ ତା'ର ଯତ୍ନ ନେଲେ ପରେ

ଫୁଟିବ ଜାତିକିଜାତି ।

ତେଲ ଲଗାଇକି ବେଣି ବାନ୍ଧିଦେଲି

ଏବେ ଯା' କରିବୁ କିସ,

ମୁଁ ଯାଉଛି ତେଣେ କେତେ କାମ ଅଛି

ଏଇଟା ପଉଷ ମାସ ।