ଦୁର୍ଘଟଣା କରେ କ୍ଷତି

ଦୁର୍ଘଟଣା ଆମ ଜୀବନରେ ଘଟି,

ମନକୁ ଆଘାତ ଦିଏ ।

ବେଳେବେଳେ ପୁଣି ଅସମୟରେ ହିଁ,

ଜୀବନଟା ନେଇଯାଏ ।।

ଦୁର୍ଘଟଣା ପ୍ରତି ରହିଲେ ସତର୍କ,

ପାଇଯିବା ଆମେ ରକ୍ଷା ।

ହାତେ ମାପି ତେଣୁ ଚାଲିବା ଚାଖଣ୍ଡେ,

ନେଇ ସତର୍କତା ଦୀକ୍ଷା ।।

ଆମରି ଚେଷ୍ଟାରେ ଟଳେ ଦୁର୍ଘଟଣା,

ଆମେ ସୁରକ୍ଷିତ ରହୁ ।

ଦୁର୍ଘଟଣାଠାରୁ ବଞ୍ଚିଯାଉ ଆମେ,

ଜୀବନଟା ଯାଉଯାଉ ।।

ଦୁର୍ଘଟଣା ଅଛି ପ୍ରତି ମୂହୁର୍ତ୍ତରେ,

ଏ କଥାକୁ ମନେରଖ ।

ସେହି ମୂହୁର୍ତ୍ତକୁ କରିବାକୁ ସାମ୍ନା,

ଅବଶ୍ୟ କୌଶଳ ଶିଖ ।।

ଦୁର୍ଘଟଣା ଦେଖେନାହିଁ ଛୋଟ,ବଡ,

ନ ଦେଖଇ ଧର୍ମ ଜାତି ।

ମନର ଖୁସିଟା ମାରିଦେଇଥାଏ,

ଦୁର୍ଘଟଣା କରେ କ୍ଷତି ।।