ଦୁଇ ଦିନର ଏଇ ଜୀବନ

ଦୁଇ ଦିନର ଏଇ ଜୀବନ 

       ହସ ଖୁସିରେ ଯାଉ ଭରି 

ଦୁଃଖ କଷଣ ଉଭେଇ ଯାଉ 

        ସବୁରି ଆଶା ଉଠୁ ପୂରି ll

ପୁଲକେ ଭରୁ ସବୁରି ମନ 

          ନରହୁ ରାଗ ରୋଷ 

ଭଲ ଗୁଣକୁ ଆଦର କର 

         ନଦେଖି କା'ର ଦୋଷ ll

ଦୁଃଖ ଯାତନା ଜଞ୍ଜାଳ ଭରା 

           ଏଇ ଜୀବନ ବାଟ 

ସହଯୋଗର ହାତ ବଢ଼ାଅ 

         ନରହୁ ଭୋକେ ପେଟ ll

ଶିକ୍ଷା ଦକ୍ଷତା ବୁଦ୍ଧିମତାରେ 

         ହୋଇଲେ କର୍ମ ବୀର 

ଦୁଃଖ କଷଣ ଅଭାବ ଯେତେ 

          ହେବରେ ସବୁ ଦୂର ll

କର୍ମମୟ ଏ ଜୀବନ ପଥ 

         ଈଶ୍ୱରଙ୍କୁ ସ୍ମର ସଦା 

ହେବରେ ଦୂର ଜୀବନୁ ଘୋର 

          ସକଳ ବିଘ୍ନ ବାଧା ll

ସବୁରି ମୂଳେ କର୍ମ ହିଁ ସାର 

         କରନି ହେୟ ଜ୍ଞାନ 

କର୍ମ ହିଁ ଧର୍ମ କର୍ମ ହିଁ ଜ୍ଞାନ 

         କର୍ମ ହିଁ ଅଟେ ଧନ ll