ଲାଇବ୍ରେରୀ
ପ୍ରୋଫାଇଲ୍
ଦୁଃଖନାଶନ ହେ
ଦୁଃଖନାଶନ ହେ
1 min
261
ଲୁହକୁ ଆଦରି ହସକୁ ପାଶୋରି
ଜୀବନ ଚାଲିଛି ନିଶ୍ୱାସକୁ ଧରି
ସଂସାର ମୋହରେ ସମୟ ସୁଅରେ
କରମର ଫଳ କିଏ କାହିଁ ଫେଡ଼ିବରେ
ତଥାପି ଆଶା ଟିକିଏ ମନରେ ଅଛି ମୋର
ଦୁଃଖନାଶନ ହେ ମୋର ଦୁଃଖ କି କରିବ ଦୂର ।
ବନ ପୋଡ଼ିଗଲେ ଜାଣନ୍ତି ସଭିଏଁ
ମନ ପୋଡ଼ିଗଲେ ଜାଣେନି କିଏ
ହତାଶ ନିରାଶ ବିଷାଦର ଫାଶ
ରଙ୍ଗହୀନ ପରା ଏ ଘର ଆକାଶ
ପ୍ରତି କ୍ଷଣେ କାନ୍ଦେ ଗୋପନେ ମା' ଟି ମୋର
ଦୁଃଖନାଶନ ହେ ମୋର ଦୁଃଖ କି କରିବ ଦୂର ।
କରମ କର୍ତ୍ତବ୍ଯ ଓ ସମ୍ପର୍କର ସ୍ନେହ
ଓଠେ ହସ ମିଛ ସତ ଆଖି ଲୁହ
ତୋତେ ଡ଼ାକିଡାକି ଶୁଖିଲାଣି ତଣ୍ଟି
ବାଟ ଚାଲିବାକୁ ସରିଲାଣି ମାଟି
ସବୁଜାଣୁ ତୁହି ତଥାପି ଜଣାଏ ତୋତେ ଗୁହାର
ଦୁଃଖନାଶନ ହେ ଜନନୀର ଦୁଃଖ କର ଦୂର।
