ଦୋଳି

ଆମ୍ବ ତୋଟା ପଟା ଦୋଳି

ପୁଅ ଝିଅ ଙ୍କର ଲାଗିଛି ମେଳି

ତୋଟାଟା ପଡେ ଉଛୁଳି ।

ଆସିଛି ମୋ ଭାଇ ଶାଳୀ

ରୂପଟା ତାହାର କେଡ ସୁନ୍ଦର

ଦେହ ରଙ୍ଗ ଟିକେ କାଳୀ ।

ଶିଆଳି ଲତାରେ ଦୋଳି

କହୁଛି ସେଇଠି ଖେଳିବା ଦୋଳି

ଝୁଲି ହେବା କୋଳା କୋଳି ।

ନଦୀ ପଠା ଜାମୁ କୋଳି

ମୋତେ ସେ ଡାକୁଛି ସେଠାକୁ ବୁଲି

ଗଛୁ ଦେବି କୋଳି ତୋଳି

ଅଗଣା ଦଉଡ଼ି ଦୋଳି

କେବେ କେବେ ତହିଁ ପଡୁଛି ଝୁଲି

ହସୁଥାଏ ଖିଲି ଖିଲି ।

ବାଉଁଶ ପତର ସରୁ

ତାକୁ ନେଇ ଯିବି ସମ୍ଵଲପୁରୁ

ଗୁଣ୍ଡିଚା ଯାତରା ସରୁ ।

କଟକର ତାରକସି

ତାକୁ କିଣି ଦେବି ଟିକି ଆରିସି

ମଥା ଖାଙ୍କୁଥିବ ବସି ।

ଛକରେ ଘୁରଣ ଦୋଳି

ଗାଆଁର ମାଇପେ ଝୁଲନ୍ତି ସେଠି

ମିଣିପେ ଦେଖନ୍ତି ଖାଲି ।

ଓଡା ପଦା ଖମ୍ବ ଦୋଳି

ଖମ୍ଵରେ ଲାଗଛି ଲମ୍ବା ବହାଲ

ଭକତେ ପଡନ୍ତି ଝୁଲି  ।