କିଏ , ତୁମ ପରି ଛୋଟ ଝିଅଟିଏ ?
କିଏ , ତୁମ ପରି ଛୋଟ ଝିଅଟିଏ ?
ଝିଅଟିଏ ଥିଲା ତୁମ ପରି
କବିତା ଲେଖାରେ ମନ ଭlରି l
କି ଦିନ କି" ରାତି ଜାଣୁ ନ ଥାଏ ସେ
ଲେଖୁଥିଲା ବସି ଖାତା ଧରି l (1)
ପାଠ ପଢ଼ାରେ ସେ ଥାଏ ରତ
ବେଳ ପାଇଲେ ବୁଲେ ଇତଃସ୍ତତ l
କି ସୁନ୍ଦର ଫୁଲ ଚଢେଇକୁ ଦେଖି
ଲେଖି ପକାଏ ସେ କେତେ ଗୀତ l (2)
ଝିଅ ମନ କଥା ଜାଣି ମାତ
କରନ୍ତି ସର୍ବଦା ଉତ୍ସାହିତ l
ଝିଅ ମୋର ଭଲ ଗଣିତ ଜାଣୁ
ଏ କଥା ଚାହାଁନ୍ତି ତାଙ୍କ ତାତ l (3)
କେତେ ଖଣ୍ଡ ଅଙ୍କ ପିତା ଦେଲେ
କଷିବା ପାଇଁ ଧମକାଇଲେ l
ଅଙ୍କ ନ କଷି ବହି ପଢ଼ିବାରୁ
କୋଠରୀରେ ତାକୁ ବନ୍ଦି କଲେ l(4)
ବାପାଙ୍କ କଥା ପାଣିରେ ଗାର
ଲେଖିଲା କବିତା ଅତି ସୁନ୍ଦର l
କବାଟ ଖୋଲି ବାପା ଦେଖିବାରୁ
ପାଣି ଫାଟିଗଲା ରାଗ ତାଙ୍କର l(5)
ସେ ଝିଅଟି ଯେବେ ବଡ ହେଲା
ସାରା ପୃଥିବୀରେ ନାଆଁ କଲା l
ପ୍ରାଚ୍ୟ ଜଗତର କୋକିଳ ଆଉ
ବୁଲବୁଲ ନାମେ ଖ୍ୟାତ ହେଲା l(6)
ଯୋଗ ଦେଲେ ମୁକ୍ତି ସଂଗ୍ରାମରେ
ଗାନ୍ଧୀଙ୍କ ସହ ଆନ୍ଦୋଳନରେ l
ମୁଖ୍ୟ ନେତ୍ରୀ ରୂପେ ନେତୃତ୍ୱ ନେଇ
ସ୍ୱାଧୀନତା ଆଣିଥିଲେ ଦେଶରେ l (7)
ମୁକ୍ତି ହେଲା ପରେ ଆମ ଦେଶ
ରାଜ୍ୟପାଳ ହେଲେ ଉତ୍ତର ପ୍ରଦେଶ l
ପ୍ରଥମ ମହିଳା ରାଜ୍ୟପାଳ ରୂପେ
ରଖିଗଲେ ଯୁଗଯୁଗକୁ ଯଶ l (8)
କିଏ ଜାଣିଅଛ ତାଙ୍କ ନାଆଁ,
ବରଦା ସୁନ୍ଦରୀ ଅଟେ ମାଆ l
ଅଘୋର ନାଥ ପିତା ଯେ ତାଙ୍କର
ରାଜେନ୍ଦ୍ରଙ୍କୁ ହୋଇଥିଲେ ବାହା l (9)
ତାଙ୍କ ଦେଶ ପ୍ରୀତି ସ୍ୱାଧୀନତା
ମହନୀୟ ଇଂରାଜୀ କବିତା l
ମରିଯାଇ ସେ ଅମର ହୋଇଲେ
ଗାଉଥିବ ଦେଶ ତାଙ୍କରି ଗାଥା l (10)