ମାନବ ସେବାହିଁ ମାଧବ ସେବା
ମାନବ ସେବାହିଁ ମାଧବ ସେବା
ମାନବ ସେବାରେ ଲୋଡ଼ା ନାହିଁ ଧନ
ଥିଲେ ସେବା ମନ ଭାବ
ସେବା କରୁଥିଲେ ଦୁଃଖି ଦରିଦ୍ରଙ୍କ
ବଢିବ ନିଜ ଗୌରବ ।
ଏମିତି ଗୌରବ ବଢିଥିଲା ଦିନେ
ମଦର ଟେରେସାଙ୍କର
ଝୁଗି ଝୁପୁରୀର ମାନବ ସେବାରେ
ମାଧବ ସେବା ବିଚାର ।
ଦୃଢ଼ ଇଚ୍ଛା ଥିଲେ ଉପାୟ ତ ମିଳେ
ସେବା ଟିକେ କରିବାକୁ
ବିଦେଶ ମାଟିରୁ ଭାରତ ଆସିଲେ
ସେବା ଭାବ ବାଣ୍ଟିବାକୁ ।
ସେବା ମୟ ହେଲା ଏଇ ଦୁନିଆଟା
ପଚାର ନିଜକୁ ବନ୍ଧୁ
ସେବା କରି ଗଲେ ନିଃସ୍ଵାର୍ଥ ଭାବରେ
ଖୁସି ହେଲେ କୃପାସିନ୍ଧୁ ।
ଦୀନ ଦରିଦ୍ରଙ୍କ ଦୁଃଖ କଷ୍ଟ ବୁଝି
ସେବା କରେ ଯେଉଁ ଜନ
ଧନ୍ୟ ସେହି ଲୋକ ଧନ୍ୟ ତାର ସେବା
କର୍ମ ବି ତାହାର ଧନ୍ୟ ।
ଏହିପରି ସେବା କରିଥିଲେ ଦିନେ
ମଦର ଟେରେସା ଜାଣ
ସେହି ସେବା ପାଇଁ ପାଇଥିଲେ ସିଏ
ଭାରତ ରତ୍ନ ସମ୍ମାନ ।
ମାଧବ ସେବାହିଁ ମାଧବର ସେବା
ଅଟେ ଚିରନ୍ତନ ସତ୍ୟ
ସ୍ଵାର୍ଥପର ଜନ ଜାଣିବ କେମିତି
ମାନବ ସେବା ମହତ୍ତ୍ଵ ।
ମାନବ ସେବା ହିଁ ମାଧବର ସେବା
ପଢିଥିଲି ପିଲା ବେଳେ
ମାଧବ କେବଳ ନିଜେ ବୁଝୁଥିବେ
ସେବା ମିଳେ କି ନମିଳେ ।