ଦୋଛକି
ଦୋଛକି
ଜୀବନ ମରଣ ଦୋଛକି ରାସ୍ତାରେ
ମଣିଷ ଦୋଳାୟମାନ
ପଥ କଣ୍ଟକିତ ହୁଏ ନାହିଁ ବୁଝି
କିଏ ଭଲ କିଏ ମନ୍ଦ ।
ଭିଡିନିଏ ଧରି ରୋଗ ମହାମାରୀ
ପକାଉଛି ପଥ ରୁନ୍ଧି
ଦେଉଛି ଲିଭାଇ ଜୀବନ ଦୀପକୁ
ଗୋଡହାତ ବାନ୍ଧି ଛନ୍ଦି ।
ବିପଦଜନକ ଅନ୍ଧକାର ପଥ
ଚିହ୍ନିବା ଦୁରୂହ ମୁହଁ
ହଜି ଯାଉଅଛି ଏକାକୀ ମଣିଷ
ଥରାଉଛି ହୃଦ କୋହ ।
ଜୀବନର ପଥ ବଡ଼ କଣ୍ଟକିତ
ନୀୟମ ବାଧା ବନ୍ଧନ
ଜୀଇବା ଜୀବନ ଲାଗେ କଷ୍ଟସାଧ୍ୟ
ନାହିଁ ସାଥି ପ୍ରିୟ ଜନ ।
ଅବିରତ ଲୋଡା ଉପସ୍ଥିତ ବୁଦ୍ଧି
ଉପଯୁକ୍ତ ସତର୍କତା
ସାମାନ୍ୟ ଟିକିଏ କଲେ ଅବହେଳା
ଅସମ୍ଭାଳ ରୋଗାବସ୍ଥା ।
ଜୀବନ ନିମନ୍ତେ କରୁଛି ମଣିଷ
ଏକକ ମହା ସ°ଗ୍ରାମ
ଅନିଶ୍ଚିତ ଅଟେ ହାରିବା ଜିଣିବା
ଦୋଛକିଟି ସନ୍ଦୀହାନ ।