ଦଣ୍ଡ ଗୀତ

ନମୋ ଗଣନାଥ ଅଗ୍ର ଗଣନ

ନରଲୋକେ ପୂଜା କରନ୍ତି ଜନ l

ନଗରାଜ ସୁତା ଅଙ୍କେ ତୋ ମନ

ନମସ୍ତେ ଦେବ ବିଦ୍ୟା ଭଗବାନ l

ନମ୍ରଭାବ ଦିବ୍ୟ ଜ୍ଞାନ

ନଶ୍ୱର ମୋ ତନ ହେ,କିଦେବି ବା ଧନ ଦିଅ ଚେନାଏ ଚେତନ l01l

ନମସ୍ତେ ଶାରଳା ସିଂହ ବାହିନୀ

ନମୋ ଉଡ୍ର ବାଣୀ ଜ୍ଞାନ ଦାୟିନୀ l

ନକର କରୁଣା ଉଣା ଜନନୀ

ନାହିଁ ଜ୍ଞାନ ମୂଢ଼ ମୂର୍ଖ ଅଜ୍ଞାନୀ l

ନିଜର ସନ୍ତାନ ମଣି

ନକର ମା ଛନ୍ଦ ମା ", କଣ୍ଠେ ବସି ପଦ ଖେଳାଅ ଯିବି ବଖାଣି l02l

ନମସ୍କାର ସକଳ ସଭାଜନ

ନିଜର ସୁଗୁଣେ ଦୋଷ ନଘେନ l

ନମି ଚାରି ଦଣ୍ଡ କରେ ବନ୍ଦନ

ନମୋ ନମସ୍ତେ ଋଷିପୁତ୍ର ଗଣ l

ନମେ କାମନା ସଦନ l

ନମସ୍କାର ବେତ ହେ,ଘଣ୍ଟିକା ଚାମର ତ୍ରିଶୂଳ କୁ ପୁନଃ ପୁନଃ l03l

ନିବେଦନ କରେ ପଣ୍ଡିତ ଜନ

ନୈବେଦ୍ୟ ରୁଦ୍ରକାଳୀ ଙ୍କୁ ଅର୍ପିଣ l

ନୃତ୍ୟ ଗୀତ କରି ତୋଷିବି ମନ

ନାହିଁ ପ୍ରାଣ ପ୍ରିୟା ମୋର ପାଶେଣ l

ନିକଟକୁ ହକାରିଣ

ନିଶି ଯିବ ପାହି ହେ,ଗାନ୍ଧର୍ବ ରସରେ କରି ପ୍ରଭୁ ନାମ ଗାନ l04l

କାରୁଆଣୀ ଆବାହନ

=============

ନାଗରୀବର ସାରସ ଗମନୀ

ନାମ ଧରି ଡାକେ ତୋ ଗୁଣମଣି l

ନାରୀ ରତନରେ ରମଣୀ ମଣି

ନକରି ବିଳମ୍ବ ଆସ ଏକ୍ଷଣି l

ନିରେଖି ପଣ୍ଡିତ ଶ୍ରେଣୀ

ନୃତ୍ୟ ରସେ ମତି ଯେ, ଆସ ମୋର କତି ଜନ ମନ ନେବା କିଣି l05l

କାରୁଆଣୀ

..............

ନିଶି ପାହାନ୍ତା ରେ ନାମ ଧରିଣ

ନକରି ଛନ୍ଦ କୁହନ୍ତୁ ବହନ l

ନାଶ ମୋ

Advertisement

ସନ୍ଦେହ ହେଉଛି ମନ

ନାହାନ୍ତି ପୁରେ ମୋର ପ୍ରାଣ ଧନ l

ନାସ୍ତି ନକରିଣ ଘେନ

ନାମ ପରିଚୟ ହେ,ନକହିବ ଯେବେ

ନୋହିବ ମୋର ଗମନ l06l

ବିଣାକାର

..............

ନହୁଅ ବିମନ ପ୍ରାଣ ମିତଣୀ

ନୁହେଁ ମୁଁ ପର ତୋର ଗୁଣମଣି l

ନୃତ୍ୟ ଗୀତେ ତୋଷି ପଣ୍ଡିତ ଶ୍ରେଣୀ

ନାମ ଡାକିବା କାଳୀ ରୁଦ୍ରମଣୀ l

ନକର ଡେରି ମିତଣି

ନବ ଯଉବନି ଗୋ, ଆସ ପାଶେ ଚାଲି ଗାଇବା ପୁରାଣ ବାଣୀ l07l

କାରୁଆଣୀ

..............

ନରଖି ସନ୍ଦେହ କୁହ ବଚନ

ନିଜ କରେ ବୀଣା ଅଛ ଧରିଣ l

ନିୟମରେ ବୀଣା କେଉଁ ହସ୍ତେଣ

ନାଦ କରାଅ କିଏ ଦେଲେ ଦାନ l

ନକରିଣ ଅଭିମାନ

ନକହି ପାରିଲେ ହେ, କିପରି ଜାଣିବି ତୁମେ ମୋ ପରାଣ ଧନ l08l

ବିଣାକାର

............

ନାଗରୀ ମଣୀରେ ଶୁଣ ବଚନ

ନାମ ଦେଇ ବୀଣା ଦେଲେ ମଦନ l

ନିତ୍ୟ ବାମକରେ କରେ ବାଦନ

ନିକରେ ବିହିଲି ସତ୍ୟ ବଚନ l

ନାମ ବିଣାକାର ଜାଣ

ନବରସ କୃତ ଗୋ, ସାତ ସ୍ୱର ଘେନି

ଆଠ ତାଳରେ ପ୍ରବୀଣ l09l

କାରୁଆଣୀ

............

ନକର ଜୀବଧନ ଅଭିମାନ 

ନିଶ୍ଚୟ ତୁମେ ମୋର ପ୍ରାଣ ଧନ l

ନେଇ ସଖୀଗଣ ମୋର ସଙ୍ଗେଣ

ନମଇଁ ପତିଦେବଙ୍କ ଚରଣ l

ନ, ଆଦ୍ୟରେ ପ୍ରାନ୍ତରେ ଣ, ନ

ନଧର ମୋ ଦୋଷ ବିଦୂଷ ଜନ l

ନୁହଁଇ ଜ୍ଞାନୀ ଅଜ୍ଞାନ

ନିଜ ବଡ଼ ପଣେ ହେ, କ୍ଷମା ଦାନ କର ଭାଷେ ପ୍ରେମାନନ୍ଦ ହୀନ l10l