ନମଃ ଗଣେଶ

ଗଣନାଥ ହେ ଚରଣେ ନମସ୍କାର

ଅଗ୍ରସୁତା ସୁତ ରିଦ୍ଧି ସିଦ୍ଧି କାନ୍ତ

 ଇନ୍ଦୁର ବାହାନେ ବିଜୟ କର l00l ଘୋଷା ll

ବିଘ୍ନେଶ୍ୱର ଏକଦନ୍ତ ଗଜାନନ

ବିଘ୍ନରାଜ ବିଘ୍ନ କର ହେ ଛେଦନ l

ଦେବେ କରି ସ୍ତୁତି ପ୍ରଭୁ ଗଣପତି

ସିଦ୍ଧ ବିନାୟକ ହେ ଲମ୍ବୋଦର l01l

ବକ୍ରତୁଣ୍ଡ ମହାକାୟ ବୁଦ୍ଧିଦାତା

ଜ୍ଞାନରେ କ୍ଷଣକେ ବ୍ରହ୍ମାଣ୍ଡ ବିଜେତା l

ମୋଦକରେ ପ୍ରିୟ ଗଉରୀଙ୍କ ସ୍ନେହ

ରୁଧିର ହିଙ୍ଗୁଳ ବର୍ଣ୍ଣ ଶରୀର l02l

କୋଟି ସୂର୍ଯ୍ୟସମ ଦିଶେ ତୁମ ଦ୍ୟୁତି 

ଦେବ ସୁର ନର ପାଦେ କରି ସ୍ତୁତି l

ବିଘ୍ନ ନାଶ କର ହେ ବିଘ୍ନଈଶ୍ୱର

ଅଙ୍କୁଶ ପାଶକୁ ଧରି ଶ୍ରୀକର l03l

ଚରଣରେ ବନ୍ଦେ ପ୍ରେମାନନ୍ଦେ ଦୀନ 

ଅକିଞ୍ଚେ କିଞ୍ଚିତେ ବିଦ୍ୟା କର ଦାନ l

ମୂଷା ରୂପେ ଯମ ଚରଣେ ବନ୍ଧନ

କିବର୍ଣ୍ଣିବି ଛାର ଯଶ ତୁମର l04l

ଗରବ ଗଞ୍ଜନ କେତନ ତୁମର

ଶେଷ କରିଦେଲ କୁବେର ଭଣ୍ଡାର l

ଜ୍ଞାନେ ଜ୍ୟୋଷ୍ଠ ଭ୍ରାତ କଲ ପରାଜିତ

ପ୍ରେମାନନ୍ଦ ଦାସ କଞ୍ଜ ପୟର