ലൈബ്രറി
പ്രൊഫൈൽ
ଦିନବନ୍ଧୁ
ଦିନବନ୍ଧୁ
(ରାଗ- ଆଷାଢ଼ ଶୁକ୍ଳ)
କରୁ ସବୁତ *ଅନାଦି ଅନନ୍ତ*
ତୁ ପରା କରୁ କାରଣର ଅନ୍ତ
ଭରସା ମୋର ପ୍ରଭୁ ଆଦିକାନ୍ତ
ସୁଗମ କରହେ ମୋ ଚଲାପଥ
କରି ଦିଅ ଶାନ୍ତ
ଅତି ଚିନ୍ତିତ ହୁଏ ଅବିରତ ll୧ll
ଆଙ୍କିଅଛିହୃଦେ ତୋର ମୁରତ
ପ୍ରେମ ଭକ୍ତି ଶ୍ରଦ୍ଧା ଅଛି ଜଡ଼ିତ
ଧ୍ୟାନ ପଦତଳେ ହେ ଜଗନ୍ନାଥ
କରି କରାଅ ଜଗତର ନାଥ
ଭରସା ତୁହିତ
ଭକ୍ତି ଅହରହ କରେ ମୁହିଁତ ll୨ll
ଅନ୍ତ ସମସ୍ୟାର କର କାଳିଆ
ବିଚାର ମନରେ ଦିଅ ବଢ଼ିଆ
ହେଉସଞ୍ଚାରିତ ଭକ୍ତି ଓ ପ୍ରେମ
ମନୁଷ୍ୟ ଜୀବନେ କରେ ମୁଁ ଧର୍ମ
ରହୁ ସମଭାବ
ଜନକଲ୍ୟାଣେ ରହୁ ମନୋଭାବ ll୩ll
କର୍ମ ଜ୍ଞାନ ଦିଆ ତୁହି ଆରାଧ୍ୟ
ଜୀବନ ଯାତ୍ରାକୁ କରହେ ସାଧ୍ୟ
ଶକ୍ତି ଆଧ୍ୟାତ୍ମିକ ଦିଅହେ ଭରି
ବ୍ୟତୀତ କର୍ତ୍ତବ୍ୟେ ପ୍ରାଣ ମୋହରି
ହେଉ ଜପମାଳ
ଦୟାକରି ଦିଅ ଦେବକୀ ବାଳ ll୪ll
ଗୃହର କର୍ତ୍ତବ୍ୟ କରେ ଭଲରେ
ରାଷ୍ଟ୍ର ସେବା କରେ ଶ୍ରଦ୍ଧା ପ୍ରେମରେ
ହିଂସା ଅହଙ୍କାର ମନେ ନରହୁ
ଭାବ ଅହିଂସାର ମନରେ ବହୁ
ଆତ୍ମନିର୍ଭରଟି
ରାଷ୍ଟ୍ର ନିର୍ମାଣେ ଆତ୍ମବିଶ୍ବାସ ଟି ll୫ll
ମାଗୁନି ଧନ ମାଗୁନି ବୈଭବ
ରହୁ ଚରଣରେ ପ୍ରେମର ଭାବ
ଶାନ୍ତିର ସ୍ଥାପନା କର ବିଶ୍ବରେ
ଜଗା କାଳିଆର ନାମ ଗୁଞ୍ଜୁରେ
ପ୍ରଭୁ କୃପାସିନ୍ଧୁ
ପାରି କର ନାଥ ବ୍ରହ୍ମାଣ୍ଡ ସିନ୍ଧୁ ll୬ll
ଅନ୍ୟାୟ ଦମନ କର ରାଷ୍ଟ୍ର ରୁ
କର ରାମରାଜ୍ୟ ପ୍ରଭୁହେ ଶୁରୁ
ବିଶ୍ବଗୁରୁ ହେଉ ଦେଶ ଆମର
ଶାନ୍ତିର ସ୍ଥାପନା କର ବିଶ୍ବର
କରହେ ସମ୍ଭବ
ଧ୍ୟାନ ଦିଅ ନାଥ ଶୁଭୁଚି ରାବ୍ ll୭ll
ପୁରୀକ୍ଷେତ୍ରେତୋର ଗୁଞ୍ଜେମହିମା
ଶୁଭୁଛି ତହିଁ ମଣିମା ମଣିମା
ଫରଫର ଉଡ଼େ ତୋହରି ବାନା
ପୂର୍ଣ୍ଣ କର ପ୍ରଭୁ ଭକ୍ତ କାମନା
ଦେଖ ଥରେ ପ୍ରଭୁ
ବ୍ରହ୍ମାଣ୍ଡ ଠାକୁର ଜଗତ ବିଭୁ ll୮ll
