ଲାଇବ୍ରେରୀ
ପ୍ରୋଫାଇଲ୍
ଦୀପଟିଏ ମୋତେ କର
ଦୀପଟିଏ ମୋତେ କର
1 min
244
ଦୀପଟିଏ ମୋତେ କରିଦିଅ ପ୍ରଭୁ
ଜଳୁଥିବି ନିତି ମୁଁହିଁ ରାତି ଦିନ
ବଡଦେଉଳରେ ତୁମ ପାଦ ତଳେ
କରୁଥିବି ଦରଶନ ଚକାବଦନ ସେ
ଚକା ନୟନ।।
ଦୀପଟିଏ ମୋତେ କରିଦିଅ ନାଥ
ଜଳୁଥିବି ମୁଁ ହିଁ ଯେ ସଞ୍ଜ ସକାଳେ
ଜୀବନ ଜଞାଳେ ନୀତି ଜଳୁ ଅଛି
ଜଳିବି ତୁମରି ଶ୍ରୀ ଚରଣ ତଳେ ସେ
ଶ୍ରୀ ଚରଣ ତଳେ।।
ରତ୍ନ ସିଂହାସନ ତଳେ ରହିଥିବି
କରୁଥିବି ଚକା ମୁଖ ଦରଶନ
ଜଳି ଜଳି ଯଦି ପାଉଁଶ ମୁଁ ହେବି
ଏ ଜୀବନ ମୋର ହୋଇ ଯିବ ଧନ୍ଯ ସେ
ହୋଇଯିବ ଧନ୍ଯ।।
କରିବି ତୁମର ମଙ୍ଗଳ ଆଳତୀ
ଜୀବନକୁ କରି ବଳିତା ମୋହର
ଜଳି ତିଳ ତିଳ ଆୟୁଷର ତୈଳ
ଦେଖୁଥିବି ତୁମ ନାଲିଆ ଅଧର ସେ
ନାଲିଆ ଅଧର।।
କରୁଥିବି ନୀତି ତୁମର ଆଳତୀ
ସିଂହ ଦୁଆରେ ତୁମର ଥିବି ରହି
ରତ୍ନ ସିଂହାସନେ ନରଖ ପଛକେ
ବାଇଶି ପାହାଚେ ଦିଅ ପ୍ରଭୁ ଥୋଇ ସେ
ପ୍ରଭୁ ଦିଅ ଥୋଇ।।
