ଗଜେନ୍ଦ୍ର ବଦନ

ଆହେ! ଗଣନାଥ ଗିରି ସୁତା ସୁତ

       ଅଗ୍ରପୂଜ୍ୟ ଶ୍ରୀ ଗଣେଶ

ଅଜ୍ଞାନ ତିମିର ଦୂରୀଭୂତ କର

        ବୁଦ୍ଧିନାଥ ବିନାୟକ।।

ଆହେ ! ଗଜକର୍ଣ୍ଣ କାଶ୍ଯପାଦିତି ନନ୍ଦନ

      ମହୋତ୍କଟ ବିନାୟକ

କାମକ୍ରୋଧ ଷଡରିପୁ ରାକ୍ଷସକୁ 

       ବିନାଶ କର ହେ ବିନାଶକ। 

ତ୍ରେତୟା ଯୁଗରେ ଉମାଗର୍ଭେ ଜାତ

    ସିନ୍ଧୁ ରାକ୍ଷସ ବିନାଶକ, 

କଳୁଷ କଳଙ୍କେ କଳଙ୍କିତ ଏ ଜଗତ

ଅବତର ହେ ମୟୁରେଶ୍ୱର ଅମିତ । 

ଦ୍ୱାପର ଯୁଗରେ ପାର୍ବତୀ ସୂତ ହେ, 

      ଋଷି ପରାଶରେ ପାଳିତ

ବେଦବ୍ୟାସ ବିନୟେ ରଚିଲ ମହାଭାରତ 

  ହସ୍ତେ ଧରି ପାଶାଙ୍କୁଶ ଆସ ହେ ଗଣେଶ । 

ଆହେ! ବିଘ୍ନ ବିନାଶନ

    ଲମ୍ବୋଦର ଗଜାନନ

ସତ୍ଯ ଧର୍ମ ଆଉଥରେ କର ସଂସ୍ଥାପନ

  ଆହେ ! ଅଗ୍ରଗଣ୍ଯ ଦେବାଦେବ ଧୂମ୍ରବର୍ଣ୍ଣ। 

କଳିଯୁଗେ ବିଖ୍ଯାତ ପ୍ରଭୁ ଗଜାନନ

    ଘୋଟକ ବାହନେ କରାବତରଣ, 

ଅଜ୍ଞାନକୁ ବୁଦ୍ଧି ଦିଅ, ଦିଅ ଦିବ୍ୟ ଜ୍ଞାନ

  ଆହେ! ଧୂମ୍ରକେତୁ ଘେନ ନିବେଦନ

ଅଗ୍ରପୂଜ୍ୟ ଗଣନାୟକ ଗୌରୀଙ୍କ ନନ୍ଦନ।