ଦୀପାବଳୀ
ଦୀପାବଳୀ
କାର୍ତ୍ତିକ ମାସ ତ ଧରମ ମାସ ଯେ
ଦୀପାବଳୀ ପରା ହୁଏ
ଅମାବାସ୍ୟା ରାତି ଆଲୋକିତ କରି
ଦୀପ ପ୍ରଜ୍ଵଳିତ ହୁଏ ।
ସଂସ୍କୃତି ଓ ପରଂପରାର ବାହକ
ତତ୍ତ୍ଵମୟ ଦୀପାବଳୀ
ମନ ଗହନର ଅନ୍ଧାରକୁ ନାଶି
ଆଲୋକ ଜାଳିବା ପାଳି ।
କାଳୀ ମାଆ ପୁଣି ଦୁଷ୍ଟ ଦଳିନୀ ଯେ
ଲକ୍ଷ୍ମୀ ଧନ ପ୍ରଦାୟିନୀ
ପାପ ତାପ ଅନ୍ତେ ଲକ୍ଷ୍ମୀଙ୍କ ପ୍ରବେଶ
ଏହା କହେ ଦିପାବଳୀ ।
ଦୀପାବଳୀ ଅଟେ ଶ୍ରଦ୍ଧାମୟ ପୁଣି
ପୟା ଶ୍ରାଦ୍ଧ ଯେ ନିଆରା
ଜଙ୍ଗଲୀ ପୁଷ୍ପ ଓ ଫଳ ନୈବେଦ୍ୟରେ
ପିତୃ ପିଣ୍ଡଦାନ ପରା |
କାଉଁରିଆ କାଠି ଆଲୋକ ଦେଖାଇ
ପିତୃ ପୁରୁଷେ ବିଦାୟ
ବାଇଶି ପାହାଚେ ମହାପ୍ରସାଦ ଯେ
ଖାଇବାକୁ ଅନୁରୋଧ ।
ଦୀପାବଳୀ ଦିଏ ଆଲୋକର ବାର୍ତ୍ତା
ପାପ ପୁଣ୍ୟ ଗାଥା କୁହେ
ଅପୂର୍ବ ପରବ ଏହି ଦୀପାବଳୀ
ପୂର୍ବେଶ୍ଵରୀ ସ୍ମୃତି ଦାହେ ।
ଦୀପାବଳୀ ହେଉ ସଭିଙ୍କ ଜୀବନେ
ପାପ ତାପ ନାଶ କାରୀ
ମନ ଗହନର ଅନ୍ଧକାର ସବୁ
ଆଲୋକରେ ଯାଉ ଭରି ।
ଏ ବିଶ୍ଵ ବୁକୁରୁ ହଟିଯାଉ ଯେତେ
ବିପଦ ଅମା ଅନ୍ଧାର
ବିଶ୍ଵ ହୋଇଯାଉ ପ୍ରିତୀ ଗିତୀମୟ
ଆଲୋକେ ଭରୁ ସଂସାର ।