ଦିବ୍ୟ ଦୀପାବଳୀ
ଦିବ୍ୟ ଦୀପାବଳୀ
ଚପଳା ଗଲାଣି ଝଲସି ସ୍ୱଚ୍ଛ ମେଘେ
ସତେ ଯେମିତି ନଭ ସିନ୍ଥିରେ ମଥାମଣି
ସବୁଜ ପାଟ୍ଟେ ବିମଣ୍ଡିତ
କୁହୁଡିର ଓଢ଼ଣା ଟାଣି ।
ପଲ୍ଲୀଠୁ ସହର ଉଜ୍ଜ୍ବଳିତ ଆଜି
ଦୀପ୍ତି ପ୍ରଜ୍ବଳିତ ଘରେ ଘରେ ,
ଡିମିରିକୁ ଭେଦି ଆଲୋକ ଆଜି
ଲାନ କରେ ତା ଗର୍ଭରେ ।
ସୁସଜ୍ଜିତ ଆଜି ଘର ଅଗଣା
ବିବିଧ ଆଲୋକ ମାଳାରେ ,
ଦାଣ୍ତ ଅଗଣା ସଜା ହୋଇଅଛି
ନାନା ରଙ୍ଗ ମୁରୁଜରେ ।
ଭଳିକି ଭଳି ପିଠାପଣାର ବାସ୍ନାରେ
ଭରିଯାଏ ପ୍ରାଣ ଆଉ ଉଦର ,
ସେହି ବାସ୍ନାରେ କ୍ଷୁଧା ହୁଏ ବହୁଗୁଣିତ
ସଭିଏଁ ହୁଅନ୍ତି କ୍ଷୁଧାତୁର ।
କାକରା, ଆରିସା, ମଣ୍ଡା, ସରପୁଳି ସାଥେ
ବଡ ବଡୁଆଙ୍କୁ କରି ଆମନ୍ତ୍ରଣ ,
ଆଲୋକର ପର୍ବ ଏଇ ଦୀପାବଳୀ
ଉତଫୁଲ କରେ ଦଶଦିଗ ,
ଅନ୍ଧକାର ପରେ ଆଲୋକ ଜୟ
ଅନ୍ୟାୟ ଅନୀତିର ହେଉ ବିଯୋଗ ।
ବୃଷ୍ଟିସ୍ନାତ ପରେ ଆଜି ଏଇ ଧରା
ପହିଲି ଶୀତର ଆଶାୟୀ ,
ଆନନ୍ଦ ଉତ୍ସବେ କାଟିବା ଏ ଦିନ
ସଦା ମୈତ୍ରୀ, ଭାତୂଭାବ ନେଇ ।
ଆଲୋକ ବିପଣବିପଣୀ ମାଟି ପ୍ରଦୀପରେ
ଝଲସାଏ ପଲ୍ଲୀ ପୁର ,
ଆମୋଦ ପ୍ରମୋଦେ ଫାଟିପଡୁଥାଏ
କି ଧନୀ କି ଗରିବ ଘର ।