Library
Profile
ଧର୍ମଭୂମି
ଧର୍ମଭୂମି
1 min
8
ଧର୍ମ ଭୂମି ଆମ ଏ ଭାରତ ବର୍ଷ
ଏଇ ଆମ କର୍ମଭୂମି
ଏଇଠି ଜନମ ଏଇଠି ମରଣ
ଇଏ ଆମ ମାତୃଭୂମି ।
ସୌନ୍ଦର୍ଯ୍ଯରେ ଭରା ଚାରୁ ଚିତ୍ରକଳା
ଏଇ ଆମ ଦେବ ଭୂମି
ତ୍ରିରଙ୍ଗା ପତାକା ଉଡେ ଫରଫର
ଇଏ ଆମ ବୀରଭୂମି ।
ସତ୍ୟ ଧର୍ମ ନ୍ୟାୟ ପ୍ରତିଷ୍ଠା ଏଇଠି
ଏଇ ଅଟେ ପୁଣ୍ୟ ଭୂମି
ସବୁଜ ଶ୍ୟାମଳେ ହସୁଥାଏ ଧରା
ଏଇ ତୀର୍ଥ ବନଭୂମି ।
ପତିତପାବନି ପୂଣ୍ୟତୋୟା ଗଙ୍ଗା
ଏଇତ ସରଗଭୂମି
Advertisement
ହିମାଳୟ ଠାରୁ କନ୍ୟା କୁମାରୀ ଏ
ଯଶ କୀର୍ତ୍ତି ତପୋଭୂମି ।
ଅବତାର ନେଲେ ସ୍ବୟଂ ନାରାୟଣ
ଏଇତ ମରତଭୁମି
ମହାଭାରତର ଧର୍ମ ଯୁଦ୍ଧ କଲେ
ନିଜେ ପ୍ରଭୁ ଅନ୍ତର୍ଯ୍ୟାମୀ ।
ସବୁ ଧର୍ମର ତ ସମନ୍ବୟ ଏଠି
ସବୁ ମନ ଯାଏ ଝୁମି
ପୁଣ୍ୟ କ୍ଷେତ୍ର ଏଇ ଭାରତ ବର୍ଷ ମୋ
ଏଇ ଅଟେ ଧର୍ମ ଭୂମି ।
ଯୁଗ ଯୁଗ ପାଇଁ ଧର୍ମର ପ୍ରଭାବ
ରହିଛି ଏ ମର୍ତ୍ତ୍ୟଭୂମି
ଧର୍ମ ସଂସ୍ଥାପନା କରିଥାନ୍ତି ପ୍ରଭୁ
ଏଇ ଆମ ଆର୍ଯ୍ୟଭୂମି ।
