ଧାରା ଶ୍ରାବଣ
ଧାରା ଶ୍ରାବଣ
ଧାରା ଶ୍ରାବଣ ସୁପବିତ୍ର
ବରଷେ ବାରିଦ ସର୍ବତ୍ର।
ହରଙ୍କୁ ସୁମରଣା କରି
ଭାରରେ ଜଳକୁମ୍ଭ ଭରି ।
ସୋମବାରରେ ଧାଡି ଧାଡି
ଚାଲନ୍ତି ଭକତ କାଉଡି ।
ଗହଳି ଉଠେ ଶିବାଳୟ
ହୃଦୟ ଶିବ ଭାବମୟ ।
ଶିବଙ୍କ ପ୍ରତୀକ ଲିଙ୍ଗରେ
ଜଳ ଅର୍ପନ୍ତି ଭକ୍ତି ଭରେ ।
ହରନ୍ତି ଦୁଃଖ ମହାଦେବ
ପାତକ ହୁଅଇ ଲାଘବ ।
ଗୁଞ୍ଜଇ ହର ହର ବମ
ପୂରଇ ଭକ୍ତ ମନସ୍କାମ ।
ଶ୍ରାବଣେ ଜଳ ଅଭିଷେକ
ଅଟଇ ସୁଫଳ ଦାୟକ ।
ପୁରାଣେ ରହିଛି ବର୍ଣ୍ଣନ
ଶ୍ରାବଣେ ପବିତ୍ର ପାବନ ।
କଠୋର ବ୍ରତ ଆଚରିଣ
ମାତା ପାର୍ବତୀ ଥିଲେ ପୁଣ ।
ତପସ୍ୟା ହେଲା ଫଳବତୀ
ହରଙ୍କୁ ଲଭିଲେ ପାର୍ବତୀ ।
ଏଣୁ ରହିଛି ସୁବିଶ୍ୱାସ
ଶ୍ରାବଣ ଅଟେ ଧର୍ମମାସ ।
ଶିବଲିଙ୍ଗରେ ଜଳାର୍ପଣ
ପୂର୍ଣ୍ଣ କରଇ ମନସ୍କାମ ।
ତୁଟଇ ଗୃହର ବିବାଦ
ମିଳଇ ସୈ।ଭାଗ୍ୟ ସମ୍ପଦ ।
ବିବାହ ବ୍ରତ ଶୁଭ କର୍ମ
ନିର୍ବିଘ୍ନ ହୁଅଇ ନିଷ୍ପନ୍ନ ।
ସେ ହର ଶିବ ମହାଦେବ
ଭକ୍ତଙ୍କୁ ହୁଅନ୍ତୁ ସହାୟ ।
ମଙ୍ଗଳମୟ ଭଗବାନ
କରନ୍ତୁ ଜଗତ କଲ୍ୟାଣ ।