ବିଜୁଳୀ କାଟ

ନୀଳ ନୟନା  ବିଜୁଳୀ କନ୍ଯା

    ଅଟେ ଚପଳ ମତି

ଜୀବନ ତାର    ବିନା ଅଚଳ

    ଶକତି ସିଏ ଗତି ।

ଛୁଇଁଲେ ତାର  କଳ ବୋତାମ

    ସଚଳ ସିଏ ହୁଏ 

ଚାହିଁବା କାମ   ତୁରନ୍ତ କରେ

   ମାନେ କଥାଟି ସିଏ ।

ବୁଲାଇ ପଙ୍ଖା   ଦିଏ ଆରାମ

   ଅନ୍ଧାରେ ବତୀ ଜାଳେ

ମସଲା ବାଟେ  ପରିବା କାଟେ

    ଥଣ୍ଡା ଗରମ କରେ ।

ଅଟକି ଯାଏ    ଜୀବନ ଯାତ୍ରା

   ବିଜୁଳୀ ହେଲେ ଠପ

ଖରା ଦିନରେ   ବିଜୁଳୀ କାଟ

    ଲାଗେ ଚାବୁକ ଛାଟ ।

ଘୂରେନା ଚକ   ଅର୍ଥ ବ୍ଯବସ୍ଥା

     ବନ୍ଦ ହୁଅଇ କାମ

ଦୂରଦର୍ଶନ    ଯୋଗାଯୋଗର

     ନ ହୁଏ ପ୍ରସାରଣ ।

ହେଉ ଯୋଗାଣ    ନିରବଚ୍ଛିନ୍ନ 

    ବିଜୁଳୀ ହେଉ ଶସ୍ତା

ଅତ୍ଯାବଶ୍ଯକ   ସେବା ସୁଲଭୁ

   ପ୍ରତ୍ୟେକ ଉପଭୋକ୍ତା ।