Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

KRUTIBAS NAYAK

Inspirational Others Children


2  

KRUTIBAS NAYAK

Inspirational Others Children


ଦେଶ ବନ୍ଦନା : ଜନମ ଭୂଇଁ ମୋ କରମ ଭୂଇଁ

ଦେଶ ବନ୍ଦନା : ଜନମ ଭୂଇଁ ମୋ କରମ ଭୂଇଁ

1 min 231 1 min 231


ଜନମ ଭୂଇଁ ମୋ କରମ ଭୂଇଁ, 

ଏହି ଭାରତ ମୋ ପବିତ୍ର ଭୂଇଁ । (ଘୋଷା )


ସାଗର ଯାହାର ଚରଣ ଧୁଏ, ଗଙ୍ଗା ଯମୁନା ଯେ ଦେଶେ ବହେ ।

କୋଟିକୋଟି ପ୍ରାଣେ ଅମୃତ ଦେଇ, ସେହି ଭାରତ ମୋ ପବିତ୍ର ଭୂଇଁ ।


ହିମାଳୟ ଯା'ର ଶିରେ ମୁକୁଟ, ଯୁଗ ଯୁଗ ଧରି ରଖିଛି ଟେକ ।

ହେମାଳ ପବନ ଛାଡ଼ଇ ନାହିଁ, ସେହି ଭାରତ ମୋ ପବିତ୍ର ଭୂଇଁ । 


ଯା' କୋଳେ ଜନମି ଭୀମ ଅର୍ଜୁନ, ଭୀଷ୍ମ ଦ୍ରୋଣଗୁରୁ ଆବର କର୍ଣ୍ଣ ।

ତା' ବୀର ଗୀତିକା ଯାଉଛି ଗାଇ, ସେହି ଭାରତ ମୋ ପବିତ୍ର ଭୂଇଁ । 


ବାଲମିକ ବ୍ୟାସ କାଳିଦାସ କବି, ସାରଳା ଆଙ୍କିଲେ ଯାହାର ଛବି ।

ଧନ୍ୟ ଯିଏ ତାଙ୍କୁ କୋଳରେ ପାଇ, ସେହି ଭାରତ ମୋ ପବିତ୍ର ଭୂଇଁ । 


ଯା' ପାଇଁ ଲକ୍ଷ୍ମଣ ଦେଲେ ରକତ, ଖୁଦିରାମ ବାଘା ବାଜି ରାଉତ ।

ଇତିହାସ ବୀରଗାଥା କହଇ, ସେହି ଭାରତ ମୋ ପବିତ୍ର ଭୂଇଁ । 


ରକତ ଦିଅ ହେ ଶକତି ଦିଅ, ତା'ର ପ୍ରତିଦାନେ ମୁକତି ନିଅ ।

ନେତାଜୀ ଡାକିଲେ ଯେଉଁଠି ଥାଇ, ସେହି ଭାରତ ମୋ ପବିତ୍ର ଭୂଇଁ । 


ସତ୍ୟ ଅହିଂସା ବିନା ରକତେ, ଶୁଣା ନଥିଲା ଯା' ଏହି ଜଗତେ ।

ଗାନ୍ଧୀ ଦେଲେ ଯା'ର ବନ୍ଧନ ଫେଇ, ସେହି ଭାରତ ମୋ ପବିତ୍ର ଭୂଇଁ । 


ହିନ୍ଦୁ ଶିଖ ଖ୍ରୀଷ୍ଟ ମୁସଲମାନ,କଳା ଗୋରା ଯହିଁ ନାହିଁ ବାରଣ ।

ଭାଇ ଭାଇ ସମ ବସନ୍ତି ଯହିଁ, ସେହି ଭାରତ ମୋ ପବିତ୍ର ଭୂଇଁ । 


ଜଗନ୍ନାଥ ପୁଣି ଯେଉଁ ମାଟିରେ, ମିଳନ୍ତି ଜନତା ଦୁଃଖୀ ମେଳରେ ।

ଧନ୍ୟ ହେବି ତା'ର ଚରଣ ଛୁଇଁ, ସେହି ଭାରତ ମୋ ପବିତ୍ର ଭୂଇଁ । 



Rate this content
Log in

More oriya poem from KRUTIBAS NAYAK

Similar oriya poem from Inspirational