ଦେଶ ବନ୍ଦନା : ହାତେ ହାତଧରି ଆସ ନର-ନାରୀ -ଡକ୍ଟର କୃତ୍ତିବାସ ନାୟକ

ହାତେ ହାତଧରି ଆସ ନର-ନାରୀ ପାଦକୁ ପାଦ ମିଳେଇ,

ଜନନୀର ସେବାପାଇଁ ପ୍ରାଣଦେବା ବଇରୀ ସାମନା ହୋଇ |(ଘୋଷା)

ଭାରତ ମାତାର ପୂଜାଫୁଲ ଆମେ ଦେଢ଼ଶ' କୋଟି ସନ୍ତାନ,

ଜାତି-ଧର୍ମ କଥା ସେ ସବୁ ଅଯଥା ସକଳେ ଆମେ ସମାନ |

ଧରମ ପଥରେ କରମ କରିବା ଜୀବନେ ଶପଥ ନେଇ |

ହାତେ ହାତଧରି ଆସ ନର-ନାରୀ ପାଦକୁ ପାଦ ମିଳେଇ,

ଜନନୀର ସେବାପାଇଁ ପ୍ରାଣଦେବା ବଇରୀ ସାମନା ହୋଇ | (1)

ଗଢ଼ିବା ଏ' ଦେଶ ରଖିବା ତା' ଯଶ ବିଶ୍ଵକୁ ଦେବା ଆଲୋକ,

କୋଟି କୋଟି ପ୍ରାଣେ ଅମୃତ ପରଶି ଜଗାଇ ଦେବା ପୁଲକ |

ଶାନ୍ତି ମୈତ୍ରୀ ବଳେ ଜଗତ ଜିଣିବା ସବୁରି ପ୍ରାଣ ହସେଇ |

ହାତେ ହାତଧରି ଆସ ନର-ନାରୀ ପାଦକୁ ପାଦ ମିଳେଇ,

ଜନନୀର ସେବାପାଇଁ ପ୍ରାଣଦେବା ବଇରୀ ସାମନା ହୋଇ | (2)