ଉତ୍କଳୀୟ ନବ ବର୍ଷ

ମହାବିଷୁବ ଏ ପଣା ସଂକ୍ରାନ୍ତିରେ

ଉତ୍କଳୀୟ ନବ ବର୍ଷ

ପ୍ରତିଟି ପ୍ରାଣରେ ଭରି ଦେଉ ଗର୍ବେ

ଆନନ୍ଦ ଓ ହର୍ଷୋଲ୍ଲାସ  ।

ପବିତ୍ର ମାଟିରେ ମାତୃଭୂମି ପରେ

ଯହିଁ ଛନ୍ତି ଜଗନ୍ନାଥ

କିଏବା କାହିଁକି କାହାକୁ ଡରିବ

ଦେଖି କାଳିଆର ନେତ ।

ମହାବାହୁ ଯହିଁ କର ପ୍ରସାରିକି

ଆଲିଙ୍ଗନ କରେ ଭକ୍ତ

ସେଇଠି ବନ୍ଧନ ସୁଦୃଢ ସୁନ୍ଦର

ସମ୍ପର୍କ କୁ କରେ ଶକ୍ତ ।

ଆମ ଏ ସଂସ୍କୃତି ଆମ ପରମ୍ପରା

ବିଶ୍ୱ ରେ ସ୍ୱତନ୍ତ୍ର ଧାରା

ଖାଇ ଖୁଆଇବା ସମ୍ପର୍କ ଯୋଡିବା

ହସି

Advertisement

ବ ଜଗତ ସାରା ।

ପର ଆପଣାର ଭେଦ ଭାବ ଭୁଲି

ମୁଖରେ ଫୁଟାଇ ହସ

ଆନ ଦୁଃଖେ ଦୁଃଖୀ ସୁଖେ ହେବା ସୁଖୀ

ସତେ କି ଏ ମଧୁ ମାସ ।

ଜୀବନ ତରୁର ଡାଳେ ଡାଳେ ବସି

ବୟସ ଗାଉଛି ଗୀତ

ଜନମ ମରଣ ଚିରନ୍ତନ ସତ୍ୟ

ଭୁଲିକି ଯାଉଛୁ ମିତ ।

ଯିବା ଆସିବାର ସୁଡ଼ଙ୍ଗ ପଥରେ

ରହିଯିବ ତୋର ଧନ

ଯେତେ ଅରଜିଛୁ ଆନେ କଷ୍ଟ ଦେଇ

କିଛି ନୁହେଁ ତୋର ପୁଣ୍ୟ ।

ଆଜି ଏ ଦିନରେ ପ୍ରୀତି ସଂକଳ୍ପରେ

ପୁଲ୍ଲକିତ ହେଉ ପ୍ରାଣ

ଶୁଭେଚ୍ଛା ର ବାର୍ତ୍ତା ମୁଖରେ ଖେଳାଇ

ହରିନେବା ଜନ ମନ ।