ଆମ ନବ ବର୍ଷେ

ତାଙ୍କ ନୂଆ ବର୍ଷେ

କେକ୍ କଟାର ଆଳେ ତାଳେ

ଚାଲେ ମଦ ମାଂସ ନାଚର ଆସର

କ୍ଲବ ହୋଟେଲ ପାଟି ବିଳମ୍ବ ରାତ୍ରିର ।

ଆମ ନବ ବର୍ଷେ 

ଅଷ୍ଟପ୍ରହରୀ ଭଜନ କୀର୍ତ୍ତନ

ମନ୍ଦିରେ ମଠରେ ପୂଜା ପ୍ରବଚନ

ପଣା ମହୋତ୍ସବ ପ୍ରସାଦ ସେବନ ।

ତାଙ୍କ ନୂଆ ବର୍ଷେ

ରଙ୍ଗୋଲୀର ଧରି ପସରା 

ଲେଖା କୁହା ହ୍ୟାପି ନିଉ ଇଅର 

 କୋଳାକୋଳି ଶୁଭେଚ୍ଛା ମର୍ଦ୍ଦନ କର ।

ଆମ ନବ ବର୍ଷେ

ମହା ବିଷୁବ ସଂକ୍ରାନ୍ତି ପୂଜାରେ

ମାତା ବୃନ୍ଦାବତୀ ଚଉରା ଉପରେ

ଛାମୁଣ୍ଡିଆ ବସନ୍ତରା ଠେକି ବନ୍ଧାରେ ।

ତାଙ୍କ ନୂଆ ବର୍ଷେ

ଇଂରାଜୀ ବିଦେଶାଗତ ଆଚାର ବିଚାର

ଗ୍ରିଟିଙ୍କସ୍ କାର୍ଡ଼ ଗିଫଟ୍ ଆଦାନ ପ୍ରଦାନ

ଚିକେନ ମଟନ ବିରିୟାନି ଭୋଜନ ଉକ୍ଷଣ ।

ଆମ ନବ ବର୍ଷେ

ଉତ୍କଳୀୟ ସଂସ୍କୃତି ପରମ୍ପରା

ଜଗତର ନାଥ ଜଗନ୍ନାଥ ଧାମେ

ନୂତନ ପଞ୍ଜିକା ଶୁଭାରମ୍ଭ ପରା

ଅରୁଆ ଅନ୍ନ ଭୋଗ ରାଗ ପଣା ଲଗେଇ 

ବ୍ରତ ଉପଚାର ମାଙ୍ଗଳିକ କର୍ମକାର ।

ତାଙ୍କ ନୂଆ ବର୍ଷେ

ଲୋକ ଦେଖାଣିଆ ଭାବନା ପୀରତି

ନାଇଟ୍ କ୍ଲବର ସେଲିବ୍ରେସନଟା ଫିକା

ଅଧା ଲଙ୍ଗଳା ମାତାଲ ନାଚରେ 

ଯାନ୍ତବ କ୍ଷୁଧାର ପାଶବିକ କ୍ରୀୟାକିର୍ତ୍ତି ।

ଆମ ନବ ବର୍ଷେ

ଉତ୍ତରାୟଣେ ଗମନ୍ତି 

କର୍କଟ ରେଖା ରମନ୍ତି

ମେଷ ରାଶି ପ୍ରବେଶନ୍ତି ସୂର୍ଯ୍ୟଦେବ

ବସନ୍ତ ଶେଷ ଗ୍ରୀଷ୍ମ ଆରମ୍ଭ ହେବ ।

ଆମ ନବ ବର୍ଷେ

ବିଶ୍ଵ ଶାନ୍ତି ହୋମ ପଣା ନୀତିକାନ୍ତି ନାମ

ରାମାୟଣ ପାରାୟଣ ହରିନାମ ସଂକର୍ତ୍ତନ

ହନୁମାନ ପୂଜା ପାଆନ୍ତି ସର୍ବାଗ୍ରେ ପ୍ରାଧାନ୍ୟ

କବିତା ଆସର ବିଷୁବ ମିଳନ ପୁରସ୍କାର ।

ରାଇଜ ମୋର ସଂସ୍କୃତି ମୋର

     ପରିଚୟ ମୋର ଓଡ଼ିଆ 

ନବ ବର୍ଷରେ ଜୁହାର କରେ 

     ନମସ୍ତେ ସମସ୍ତେ ବଢ଼ିଆ ।

ନବ ବର୍ଷେ ଆଜି ପଣା ପିଇ ଭଜି

    ନାମ ନେବା ଆଦିକନ୍ଦ 

 ୟୂକ୍ରେନ-ରୁଷ ଯୁଦ୍ଧ ଶେଷ ହେଉ କ୍ଷୁବ୍ଧ

    ବିଶ୍ଵଯୁଦ୍ଧ ହେଉ ବନ୍ଦ ।