ତୁମେ ମହାଶୂନ୍ୟ

ସବୁଥିରେ ପୂର୍ଣ୍ଣ   ତୁମେ ମହାଶୂନ୍ୟ

     ଚର୍ମ ଚକ୍ଷୁ ଦେଖେ ଭିନ୍ନ

ଅଜ୍ଞାନୀ ଦେଖୁଛି  କାଷ୍ଠ ଦାରୁ ମୂର୍ତ୍ତି

     ଜ୍ଞାନୀ ଦେଖେ ପରଂବ୍ରହ୍ମ

ସଦା, ଆଶିର୍ବାଦେ  ଦିବ୍ୟଜ୍ଞାନ ।

ମୃତ୍ତିକା ସ୍ୱାଦଟା  ପିତା କଷା ମିଠା

    ଚାଖିଲେ ହୁଏନି ଜଣା

ସ୍ଵଗୁଣେ ଉତ୍ତମା   ବୃକ୍ଷରାଜି ସିନା

     ଦିଅନ୍ତି ତାର ଠିକଣା

ଆତ୍ମା ଦିବ୍ୟଜ୍ଞାନ  ଲଭିବାକୁ ଘେନ

     ବୃକ୍ଷ ରୂପି ଶ୍ରେଷ୍ଠ ନାମ ।

ସେହି ପରଂବ୍ରହ୍ମ  ଦିବ୍ୟଜ୍ଞାନେ ପୂର୍ଣ୍ଣ

     ପଥ ଏକା ଆରାଧନା

ସତକର୍ମ ବଳ    ଲୟ ତା ପୟର

     ପୁରାଏ ମନସ୍କାମନା

ବୃକ୍ଷ ପାଇଁ ଶ୍ରମ   ନାମ ପାଇଁ ମନ

     ସୁଫଳ ପ୍ରାପ୍ତି ସୁଜନ ।