ଦେଶ ବନ୍ଦନା : ବଡ଼ ପବିତ୍ର ଏ' ଭାରତ ଭୂଇଁ

ବଡ଼ ପବିତ୍ର ଏ' ଭାରତ ଭୂଇଁ, ରାମ କୃଷ୍ଣଙ୍କର ଜନମ ଯହିଁ;

ଧରମ ଭୂଇଁ ଏ' କରମ ଭୂଇଁ, ମୋ ପାଇଁ ସତେ କି ସରଗ ସେହି |(ଘୋଷା)

ନନ୍ଦନକାନନ ଇନ୍ଦ୍ର ଭୁବନ, ମାଟି ମାଆ ସରି ହୋଇବେ କାହିଁ ?

ଅମୂଲ ମୂଲ ସେ ଗଙ୍ଗାର ଜଳ, ହିମାଳୟ ପରି କେହି ନୁହଇଁ |

ବଡ଼ ପବିତ୍ର ଏ' ଭାରତ ଭୂଇଁ, ରାମ କୃଷ୍ଣଙ୍କର ଜନମ ଯହିଁ;

ଧରମ ଭୂଇଁ ଏ' କରମ ଭୂଇଁ, ମୋ ପାଇଁ ସତେ କି ସରଗ ସେହି |(1)

କୋଣାର୍କ ମନ୍ଦିର ତାଜମହଲ, ଚାରୁକଳା କରୁଛି ଝଲମଲ,

କେତେ ଯେ ଧରମ କେତେ ବରଣ, ସକଳ ଜାତିର ମିଳନ ଭୂଇଁ |

ବଡ଼ ପବିତ୍ର ଏ' ଭାରତ ଭୂଇଁ, ରାମ କୃଷ୍ଣଙ୍କର ଜନମ ଯହିଁ;

ଧରମ ଭୂଇଁ ଏ' କରମ ଭୂଇଁ, ମୋ ପାଇଁ ସତେ କି ସରଗ ସେହି |(2)