ଲାଇବ୍ରେରୀ
ପ୍ରୋଫାଇଲ୍
ଦେହଜୀବି
ଦେହଜୀବି
1 min
201
ମୁଁ ପାପ କରୁଛି କି ପୂଣ୍ୟ
ଜଣା ନାହିଁ ମୋତେ
ଇଚ୍ଛା ନଥିଲେ ବି
ନିଜ ମନକୁ ଜାଳି ପୋଡି ଦିଏ
ପରପୁରୁଷ ପାଖରେ
ଶରୀରକୁ ସମର୍ପି ଦିଏ
ଦେହ ବିକି ବିକି
ଦେହଜୀବି ପାଲଟି ଯାଏ
ଖାସ୍ ମୋର
ରୋଗୀଣା ସ୍ୱାମୀ ଓ ଭୋକିଲା ଛୁଆ
ମୁହଁରେ ଦେଖିବାକୁ ହସ କାଣିଚାଏ
ରାତିର ଶୂନ୍ୟତାରେ
ଏକ ନୁଆ ମୁହଁ ନେଇ ଆବିର୍ଭୂତ ହୁଏ
ଚିଲ ଶାଗୁଣା ପରି
ମୋ ବୃତ୍ତିକୁ ପାପ କହୁଥିବା
ଦିନର ଭଦ୍ରଲୋକ ପୂଣ୍ୟପୁରୁଷ
ଜାବୁଡି ଧରି ମୋତେ ଆବୃତି କରେ
ଏକ ରୋମାଞ୍ଚିତ ଭାବ
କ୍ଷତ ବିକ୍ଷତ କରେ ମୋ ଶରୀର
ଆଉ ଭାଙ୍ଗିଦିଏ ଭଦ୍ରସମାଜ ଉପରେ ଥିବା ଅତୁଟ ବିଶ୍ୱାସ
କପଟି ସମାଜର ପ୍ରମାଣପତ୍ର
ଘୃଣ୍ୟ ମୋତେ କରେ ,
ଦିନରେ ଜିଇବାର ସ୍ୱପ୍ନ ଛଡାଇ ନିଏ
ତଥାପି ମୁଁ ମନ ଖୋଲି
ଫିକ୍ କିନା ହସିଦିଏ
ଯେତେବେଳେ
ଆଜିର ମହିଷା ଦୂର୍ଗାପୂଜା କରେ
ଓ
ମୁଁ ମୋ ଅଗଣାର ମୁଠାଏ ମାଟିର
ଭକ୍ତି ନୈବେଦ୍ୟ ସମର୍ପି ଦିଏ
ଆଉ ନିଜକୁ ଦେହଜୀବି କହେ ॥
