ଦେବୀ ବାସନ୍ତୀ
ଦେବୀ ବାସନ୍ତୀ
ବସନ୍ତ ଉର୍ବୀ ଅଙ୍ଗେ ସଜାଇ ହୋଇ
ପ୍ରବେଶ ହେଲା”ମନ୍ଦ ମଳୟ” ନେଇ ଯେ
ଅନୁପମ ସୁନ୍ଦର ଫୁଲ ପସରା
ଫେଇ ଦିଶଇ ଧରା ଆହାକି ତୋରା ଯେ ।
ପତ୍ର ଗହଳେ ବସି ବସନ୍ତ ଦୂତ
ଗାଉଛି ଆବାହନୀ ଶୁଭ ସଙ୍ଗୀତ ଯେ
ବାସନ୍ତୀ ଆସୁଛନ୍ତି ଶଙ୍କର ବାମା
ସୁସଜ୍ଜିତ ଅଚଳା ଆସ ମା’ଉମା ଯେ ।
ନବରାତ୍ର ରେ “ନବ ପତ୍ରିକା “ପୂଜା
ହୋଇ” ଉଡିବ ଦେବୀ ତୋ ରଙ୍ଗ ଧ୍ଵଜା ଯେ
ବେଦ ମନ୍ତ୍ର ରେ ମହୀ ପଡେ ଉଛୁଳି
ପ୍ରଭାବେ ସୁସ୍କ ତରୁ ଉଠେ କଅଁଳି ଯେ ।
ଘୃତାହୁତି ବ୍ରାହ୍ମଣ ଦିଅନ୍ତି ମିଳି
ହୋମାଗ୍ନି ଧୂମଶିଖା ଯାଏ ବିସ୍ତାରି ଯେ
ଆରାଧନା ଅର୍ଚ୍ଚନା ଓଁକାର ମନ୍ତ୍ର
ଅଭିଭୁତ କରୁଛି ସାରା ଜଗତ ଯେ ।
ତ୍ରେତା ରେ ରାମଚନ୍ଦ୍ର ଲଙ୍କା ବିଜୟ
ତୋ ଆରାଧନା ମନ୍ତ୍ରେ ଦେଲୁ ଅଭୟ ଯେ
ବିଶ୍ରବା ନନ୍ଦନ’ସ' ସବଂଶ ନାଶ
କଲେ ଶ୍ରୀରାମ ପାଇ ତୋର ଆଶିଷ ଯେ ।
ପୂଣ୍ୟ ତିଥି ରେ ପୂଣ୍ୟ ଶୁଭ ବେଳାରେ
ଅଶୋକାଷ୍ଟମୀ ଶମ୍ଭୁ ଘେନି ସଙ୍ଗରେ ଯେ,
ବିଜୟ କରିଅଛୁ ଅଭୟା ଦୁର୍ଗା
ଶ୍ରୀରାମ ଜନ୍ମ ତିଥି ନବମୀ ପୂଜା ଯେ ।
ତବ ଆଗମେ ଦେବୀ ବିଷୁବ ଲଗ୍ନ
ଆବର ଜୈତ୍ରି ଉଡେ ମାରୁତି ଜନ୍ମ ଯେ
ୟେ ଅମୃତ ଲଗନ ଅମୃତ ବେଳା
ମାଗଇ ଆଶିର୍ବାଦ ନକର ହେଳା ମା' ।
ପୁଷ୍ପାଞ୍ଜଳି ସଂସାର ରକ୍ଷା କାରିଣୀ
ଅର୍ପି ଅଭୟ ପଦେ କରେ ଦଇନୀ ଯେ,
ବସନ୍ତେ ବାସନ୍ତୀକା ହୃଷ୍ଟ ମନରେ
ବିଜୟ କରି ଦୁଃଖ ହର ଅଚିରେ ଯେ ।