ଡାକେ ହାତ ଠାରି

ହାତ ଠାରି ଡାକେ ମୋ ଗାଁ,ମୋ ସଂସ୍କୃତି

ଫେରିଆ କୋଳକୁ ଧନ ,

କାହିଁକି ଅଯଥା ସହରି ନିଶାରେ

ହେଉଛୁ ତୁ ହୀନିମାନ ।

କି ଦରବ ଏଠି ଥିଲା ତୋ ଅଭାବ

ସହରକୁ ଗଲୁ ଧାଇଁ ,

ଯେଉଁ ଖାଦ୍ୟଦ୍ରବ୍ୟ ଖାଉଛୁ ସହରେ

ମୋ ଠାରୁ ଉତ୍ପନ୍ନ ସେହି ।

ମୋ ପାଣି ପବନ ସମ ସତକହ

କେଉଁଠି ମିଳିବ ତୋତେ ,

ବିନିମୟେ ତୋତେ ମାଗିଛି କି କେବେ

ଏତକ ଦେଏ ତୁ ମୋତେ ?

ସଭ୍ୟତା ସଂସ୍କାର ମିଳେ କି ସହରେ

କହ ଟଙ୍କା ବଦଳରେ ,

ଆଚାର ବେଭାର ଯାହା ବି ଶିଖିଛୁ

ସବୁତ ମୋ'ରି କୋଳରେ ।

ଆମ ପରମ୍ପରା ଆମ ସଂସ୍କୃତିକୁ

ଭୁଲିଗଲୁ ସହଜରେ ,

ପାଶ୍ଚାତ୍ୟ ସଭ୍ୟତା କଲୁ ଆପଣାର

କହ କେଉଁ ବିବେକ ରେ ?