ଚକା ଡୋଳା ତ୍ରିପଣ୍ଡ କଳା
ଚକା ଡୋଳା ତ୍ରିପଣ୍ଡ କଳା
ଚକା ଡୋଳା ତ୍ରିପଣ୍ଡ କଳା,
ଚଉଦ ବ୍ରହ୍ମାଣ୍ଡେ ବିସ୍ତାରେ ଲୀଳା l
ଚାହାଣି ତୋହର ଜନମନ ହରେ,
ଚାହିଁବା ମାତ୍ରକେ ଦୁରିତ ଗଲା ll
ଚକା ଡୋଳା ତ୍ରିପଣ୍ଡ କଳା l(ଘୋଷା)
ଭକତ ଭୋଳିଆ,ଭକ୍ତ ବତ୍ସଳିଆ,
ଭକତ ଭାବରେ ସର୍ବଦା ଭୋଳା l
ପତିତ ପାବନ ପତିତ ତାରଣ,
ପତିତପାବନ ନେତ ଉଡ଼ିଲା ll (1)
ପତିତଜନଙ୍କୁ କୋଳାଇ ନେବାକୁ,
କରାଇଲେ ରଥ ଯାତରା ଲୀଳା l
ଟାହିଆ ହଲାଇ ଦାଣ୍ଡକୁ ଓହ୍ଲାଇ
ହରିବୋଲେ ଭକ୍ତ ନର୍ତ୍ତନ କଲା ll (2)
ଦ୍ୱାପର ଯୁଗରେ କଂସ ଆଦେଶରେ
ଭକତ ଅକ୍ରୁର ରଥେ ଆଣିଲା l
କ୍ରୁର ସ୍ୱଭାବେ ସେ ଯମୁନା ଜଳରେ,
ପ୍ରଭୁଙ୍କର ବିଶ୍ୱ ରୂପ ଦେଖିଲା ll (3)
କଞ୍ଜ ପୟର ତୋ ଭକ୍ତର ଆଶ୍ରୟ,
ସେ ପଦେ କାଳୀୟ ଆଶ୍ରୟ କଲା l
କଠଉ ଚିହ୍ନକୁ ତା ଶିରେ ଥାପିଲ
କାଳିନ୍ଦୀରୁ ହରି ବିଷର ଜ୍ଵାଳା ll (4)
ଜଗତ ରକ୍ଷଣେ ଗୋବର୍ଦ୍ଧନ ଟେକା
କରନ୍ତି ଗୁଣ୍ଡିଚା ବାହୁଡ଼ା ଲୀଳା l
ଚରଣ କମଳେ ଆହେ ଗୂଢ଼ପାଦ,
ଅଧମ ବାହୁଡ଼ି ଆଶ୍ରୟ ନେଲା ll (5)