ଆସିଗଲା ଢେ଼ଙ୍କାନାଳ ବରା

ଆସିଗଲା ଢେ଼ଙ୍କାନାଳ ବରା 

   ==============

ଆସିଗଲା ଭାଇ ଢେଙ୍କାନାଳ ବରା l 

ଶୁଦ୍ଧ ବିରି ବଟା ସ୍ୱାଦ ତା ନିଆରା ll 

ଛେଚା ଆମ୍ୱ ଅଦା, ପିଆଜ ରସୁଣ l 

ପଡ଼ିଅଛି ଜୀରା ଅଳ୍ପ ହେଙ୍ଗୁ ଲୁଣ ll 

ବରା ଆମ ଅଟେ, ଭାରି ମୁସୁମୁସୁ l 

ଚାଖ ଥରେ ହୋଇଯିବ ଦିଲଖୁସ ll 

ଆସ ଆସ ଭାଇ ଟିକେ ଚାଖିଯିବ l 

ସୁଆଦ ନିଶ୍ଚେ ତା ପାଟିରୁ ନଯିବ ll 

ସ୍ୱାଦିଷ୍ଟ ଘୁଗୁନି, ବରା ସଙ୍ଗେ ନିଅ l 

ବରାକୁ ମିଶାଇ ଭାଙ୍ଗିଭାଙ୍ଗି ଖାଅ ll 

ନିଜେ ଖାଇ ବନ୍ଧୁ ବାନ୍ଧବଙ୍କ ପାଇଁ l 

ନେଇଯିବା ପାଇଁ ଭୁଲି ଯିବନାହିଁ ll 

ଜଗତବିଖ୍ୟାତ ଢେଙ୍କାନାଳ ବରା l 

ଖାଣ୍ଟି ଏହି ଔଷଧିୟ ଗୁଣେ ଭରା ll 

ବରା ଖାଇ ଗାଅ ସମର ସଂଗୀତ l 

ଆମ କବି ବଡ଼ ଜେନା ବ୍ରଜନାଥ ll 

ଚତୁର ବିନୋଦ କଥା ଭାରି ବଡ଼ l 

ଗଡ଼ ନାୟକଙ୍କ ସାହିତ୍ୟକୁ ପଢ଼ ll 

ଆମରି, ପବିତ୍ର ମୋହନ ପ୍ରଧାନ l 

ବହୁ ବାର କଲେ ବିଧାନ ମଣ୍ଡନ ll 

ବହୁତ କହିଲି ଢେ଼ଙ୍କାନାଳ କଥା l 

ଆମ ବରା ପାଉ ନିଶ୍ଚୟ ମାନ୍ୟତା 

ଆମ ବାଳବୀର ବାଜିଆ ଜାଣିବ l 

ଟିଆଗ ମାନ୍ୟତା ନିଶ୍ଚୟ ଆଣିବ ll 

ଢ଼େଙ୍କାଗଡ଼ ଢେଙ୍କାଶବର ସ୍ଥାପିତ l 

ପ୍ରଭୁ ଚନ୍ଦ୍ରଚୁଡ଼େ କୋଟି ଦଣ୍ଡବତ ll 

             🙏🙏🙏

                 ଅର୍ଜୁନୀ

           -------------

ଅର୍ଜ୍ଜୁନୀ ଚରଣ ବେହେରା

ମୋ -୭୬୯୩୦୯୧୯୭୧