ଚିତ୍ରିତ ଚୈତାଳି

ଫଗୁଣର ରଙ୍ଗ  

ଚୈତ୍ରର ଚଇତାଳି 

ଫୁଲର ଶେଜ 

ପବନ ଦୋଳି ଖେଳେ 

ଆମ ଦୁହିଁଙ୍କ ମେଳେ ।

ଏଇନା ଅଛି ଏଇନା ନାହିଁ 

ମୁହୂର୍ତ୍ତ ସବୁ ଖସିଯାଏ 

ସମୟର ଫାଙ୍କରୁ ।

ମୋ ପାପୁଲି ଉପରେ 

ତମ ପାପୁଲିକୁ ଆବୋରିଦିଅ 

କୈଦ କରିନେବା ବେଶ କିଛି ଖୁସି 

ବିଂଦୁଏ ତମର ବିଂଦୁଏ ମୋର ।

ଜୀବନ ଟା ଆଉ କଣ ଯେ 

ଛୋଟ କଥା 

ଛୋଟ କାହାଣୀ 

ଛୋଟ ଖୁସି 

ଆଉ ଛୋଟ ଆମ ସଂସାର

ଜୀବନଟା ସହଜ ହେବ

ବଂଚିବା ସୁନ୍ଦର ହେବ

କିଛି ବିନା କଥାରେ

ଆଉ କିଛି ବିନା ଚୁକ୍ତିରେ ।

ଗୋଟିଏ ରେ କୋଟିଏ

ଅଣୁ ରେ ପରମାଣୁ

ବିନ୍ଦୁରେ ସିନ୍ଧୁ

ଏ ଅନୁଭବରେ ବଂଚୁଥିବା

ଜୀବନ ର ଶେଷ ନିର୍ଘଣ୍ଟ ପର୍ଯନ୍ତ ।